Uber Driver Harassment: ६२५ ऐवजी मागितले १४७९ रुपये, उबर ड्रायव्हरची गुरुग्राममध्ये महिलेला मारहाण आणि धमकी

दिल्ली एअरपोर्टवरून उबरने गुरुग्रामला जाणाऱ्या एका महिलेला भयानक अनुभव आला. ड्रायव्हरने दुप्पट भाडे मागितले आणि तिने नकार दिल्यावर तिला धमकावले. तो तिच्या घरापर्यंत गेला, गेटमधून जबरदस्तीने आत घुसला आणि तिला जीवे मारण्याची धमकी दिली.

दिल्ली एअरपोर्टवरून गुरुग्रामला येताना भाड्यावरून झालेल्या वादानंतर एका उबर ड्रायव्हरने आपल्याला शिवीगाळ आणि धमकी दिल्याचा आरोप एका महिलेने केला आहे. ॲपवर दाखवलेल्या रकमेपेक्षा त्याने दुप्पट पैसे मागितले आणि थेट घरापर्यंत पाठलाग केला, असं तिचं म्हणणं आहे. आता ही महिला सुरक्षित असून, मारहाणीच्या आरोपाखाली ड्रायव्हरवर एफआयआर (FIR) दाखल करण्यात आला आहे.

तनिषा शर्मा या महिलेने एक्स (X) वर आपली आपबिती शेअर केली. या घटनेनंतर उबरने आरोपी ड्रायव्हरला ॲपवरून बॅन केलं आहे. कंपनीने तनिषाला सांगितलं की, हा ड्रायव्हर आता उबरवरून कोणतीही राईड घेऊ शकणार नाही.

तनिषाने सांगितलं की, दिल्ली एअरपोर्टवर उतरल्यानंतर तिने गुरुग्रामला जाण्यासाठी उबर बुक केली. ॲपवर या प्रवासाचं भाडं ६२५ रुपये दाखवत होतं. पण ड्रायव्हरने रॅपिडो (Rapido) या दुसऱ्या ॲपचा स्क्रीनशॉट दाखवून १४७९ रुपयांची मागणी केली.

जेव्हा तिने त्याला सांगितलं की हा स्क्रीनशॉट उबरचा नसून रॅपिडोचा आहे, तेव्हा ड्रायव्हर म्हणाला, "इस रूट का इतना ही होता है." तनिषाने उबर ॲपवर दाखवलेले ६२५ रुपयेच दिले.

यानंतर ड्रायव्हरने गाडी लॉक केली आणि जास्तीचे पैसे दिल्याशिवाय बॅगा काढू देणार नाही, अशी भूमिका घेतली. तनिषा म्हणाली, "मी १४७९ रुपये देईपर्यंत त्याने मला माझं सामान काढू दिलं नाही. मी जेव्हा माझ्या बॅगा काढण्याचा प्रयत्न केला, तेव्हा त्याने माझा हात पकडला आणि पुढच्या सीटची काच बंद केली."

@Uber @Uber_India @UberIN_Support @Uber_Support

i landed at delhi airport today and had one of the most terrifying experiences of my life with an uber driver. i'm still shaken.

i booked an uber to gurgaon for a 20-minute ride. the fare shown on my uber app was around ₹625. after the trip, the driver showed me a screenshot from rapido quoting ₹1,479 and demanded that i pay that amount instead. when i pointed out that this was a rapido screenshot and not an uber screenshot, he said, “iss route ka itna hi hota hai.”

i paid the ₹625 that was shown on my uber app. what followed was genuinely frightening.

he locked the car and refused to let me take my luggage out unless i paid ₹1,479. when i tried retrieving my belongings, he held my arm and shut the front-seat window where my luggage was, trying to stop me from taking it out.

i somehow managed to get my luggage and tried to enter my house. he followed me, forced the gate, abused me horribly and wouldn't let me go inside peacefully. i finally managed to get inside and lock the door. he then started climbing the gate while hurling abuses and threatening my life.

all of this happened around 4:45 am in gurgaon, when i'd just landed and was simply trying to get home safely.

and it gets worse. i'm trying to reach uber's safety support, and the safety support option isn't available to me. i'm dealing with a terrifying situation involving physical aggression and life threats, and i can't even get through to the platform's safety team.

this wasn't a fare dispute anymore. this was intimidation, physical aggression and a terrifying violation of my safety at my own doorstep.

@Uber_Support @Uber_India @UberIN_Support @Uber, i need an urgent human response, a proper investigation and concrete action. please preserve the trip and driver records and tell me how this is being addressed.

i've used cabs to get around in different countries and never imagined i'd feel this unsafe trying to get home in my own country. how am i supposed to trust a service that i booked specifically to get home safely?

driver name: JAMIL JAHID KHAN

— Tanisha Sharma (@tanishasharmax) October 26, 2026

"कसं तरी माझं सामान घेऊन मी घराकडे चालू लागले. पण ड्रायव्हरने माझा पाठलाग केला, गेटमधून जबरदस्तीने आत घुसला आणि मला भयंकर शिवीगाळ केली," असं तनिषाने पुढे सांगितलं.

तनिषा घरात जाऊन दरवाजा लॉक केल्यानंतरही ड्रायव्हर तिला धमकावत होता आणि त्याने गेटवरून उडी मारून आत येण्याचा प्रयत्न केला.

"त्याने माझा पाठलाग केला, गेट तोडण्याचा प्रयत्न केला आणि मला शांतपणे घरातही जाऊ दिलं नाही. मी शेवटी आत गेले आणि दरवाजा लावून घेतला. तेव्हा तो गेटवर चढू लागला, शिव्या देऊ लागला आणि मला जीवे मारण्याची धमकी दिली," असं तनिषा म्हणाली.

ही धक्कादायक घटना गुरुग्राममध्ये पहाटे पावणेपाचच्या (४:४५) सुमारास घडली.

उबरने काय कारवाई केली?

तनिषाने उबरच्या सेफ्टी टीमशी संपर्क साधण्याचा प्रयत्न केला, पण त्यावेळी सेफ्टी असिस्टन्सचा पर्याय उपलब्ध नव्हता, याबद्दल तिने चिंता व्यक्त केली. तिच्या या पोस्टवर उबर इंडियाने रिप्लाय दिला आहे. "आम्ही तुमच्या तक्रारीची दखल घेतली असून तुम्हाला रिप्लाय पाठवला आहे. तुम्ही डायरेक्ट मेसेजमध्ये (DM) डिटेल्स पाहू शकता. समजून घेतल्याबद्दल धन्यवाद," असं उबरने म्हटलं आहे.