Gujarat Flood: वडोदरामध्ये पूर, रस्त्यावर फिरतायत मगरी; व्हिडिओ व्हायरल

वडोदरा येथे मुसळधार पावसामुळे पूरस्थिती निर्माण झाली असून, विश्वामित्र नदीच्या उधाणामुळे रस्त्यांवर मगरी आल्या आहेत. सोशल मीडियावर व्हायरल होत असलेल्या व्हिडिओमध्ये मगरी रस्त्यांवर फिरताना आणि मेलेले प्राण्यांना तोंडात घेऊन जाताना दिसत आहेत.

अहमदाबाद: गुजरातमधील वडोदरा येथे मुसळधार पावसामुळे पूरस्थिती निर्माण झाली आहे. विश्वामित्र नदीच्या उधाणामुळे येथील जनतेला आणखी एक मोठा धोका निर्माण झाला आहे. मगरी मानवी वस्तीत फिरताना दिसतात, जणू त्यांनी शहरातील रस्त्यांना आणि परिसरांना उद्यान समजले आहे.

वडोदरा येथील एका वसाहतीतून एका 14 फुटाच्या मगरीची सुटका केल्यानंतर काही दिवसांनी विश्वामित्री नदीच्या काठावर चार मगरी पोहतानाचा एक भितीदायक व्हिडिओ सोशल मीडियावर समोर आला आहे. 22 सेकंदाच्या या व्हिडीओमध्ये एक मगर मेलेल्या प्राण्याला तोंडात घेऊन जात असल्याचे दिसून येते. त्याच्यासोबत आणखी तीन मगरी आहेत.

मगरीने मेलेल्या कुत्र्याला धरले तोंडात 

सोशल मीडियावर शेअर करण्यात आलेल्या आणखी एका व्हिडीओमध्ये ही मगर एका निवासी भागात तोंडात मेलेला कुत्रा घेऊन फिरताना दिसत आहे. X वर व्हिडिओ शेअर करताना पत्रकाराने लिहिले की, "वडोदरात आलेल्या पुरामुळे मगरींचा धोका आता निर्माण झाला आहे. प्रत्येक वेळी विश्वामित्री नदीला पूर आला की मगरीही पाण्यासोबत रस्त्यावर येतात."

मगरीला स्कूटरची देण्यात आली सवारी 

सोशल मीडियावर शेअर करण्यात आलेल्या व्हिडिओमध्ये दोन तरुण एका स्कूटरवर मगरीला घेऊन जाताना दिसत आहेत. ही घटनाही वडोदरा येथील आहे. विश्वामित्र नदीतून बाहेर पडलेल्या या मगरीला वनविभागाच्या दोन जणांनी स्कूटरवरून वनविभागाच्या कार्यालयात आणले.

रविवारपर्यंत वडोदरा येथे विश्वामित्री नदीतून मगरींच्या बाहेर पडण्याच्या 15 घटना घडल्या आहेत. नदीपासून 100 मीटर अंतरावर असलेल्या कामनाथ महादेव मंदिरातून 14 फुटी मगरीची सुटका करण्यात आली.

आणखी वाचा :