आजीच्या सल्ल्यावरून १२ कोटींची मॅकलरेन खरेदी!

लँबोर्गिनी ठीक आहे, चांगली आहे. पण व्वा वाटत नाही. काहीतरी कमी आहे. पोर्श चांगली गाडी आहे. पण तिचे दार सामान्य गाडीसारखे उघडते. म्हणून तू मॅकलरेन घे. तिचे दार वर उघडते, असे आजीने आपल्या नातवाला सांगितले. असे बोलणे अनेक लोक रोज ऐकतात. अशक्य गोष्टी विनोदाने बोलल्या जातात. पण इथे आजीने एक सल्ला दिला आहे. आणि नातूने तो गांभीर्याने घेतला आहे. आजीने सल्ला दिल्याच्या दुसऱ्याच दिवशी तब्बल १२ कोटी रुपये मोजून नवीन, स्पेशल एडिशन मॅकलरेन खरेदी केली आहे. या नातूने मॅकलरेन ७६५LT खरेदी करणारा सर्वात तरुण भारतीय असा विक्रम नोंदवला आहे.

हो, या नातवाचे नाव आनंद. एका उद्योजक कुटुंबातील सदस्य. आनंद देखील उद्योग क्षेत्रात कार्यरत आहे. त्याचे उद्योग साम्राज्य दुबईमध्ये आहे. ५ महिन्यांपूर्वी आनंदने लँबोर्गिनी उरुस खरेदी केली होती. या गाडीतून नातू आणि दोघी आजी प्रवास करत होत्या. तेव्हा नातूने पुढची गाडी पोर्श असल्याचे सांगितले. त्यावर दोघी आजींनी आपले मत मांडले.

एका आजीने सांगितले की पोर्श चांगली आहे, पण सगळ्यांकडे पोर्श आहे. आता पोर्श कॉमन झाली आहे. दुसऱ्या आजीने सांगितले की पोर्श चांगली गाडी आहे, पण पोर्शचे दार वर उघडत नाही. म्हणून तू घेणार असशील तर मॅकलरेन घे. नातूने पुन्हा एकदा आजीला विचारले की तुम्ही कोणती गाडी सांगितली? आजीने कोणतीही संकोच न करता मॅकलरेन असे उत्तर दिले.

आजीचे हे बोल गांभीर्याने घेत आनंदने नवीन मॅकलरेन ७६५LT स्पेशल एडिशन खरेदी केली. भारतात याची किंमत १२ कोटी रुपये आहे. आता आनंद मॅकलरेन ७६५LT खरेदी करणारा सर्वात तरुण व्यक्ती ठरला आहे. एवढेच नाही तर मॅकलरेन ७६५LT भारतात खरेदी करणारा तिसरा व्यक्ती देखील ठरला आहे. आनंद हा केरळचा आहे. त्यामुळे मॅकलरेन ७६५LT खरेदी करणारा पहिला केरळी असा विक्रमही त्याने नोंदवला आहे. आनंदने ही गाडी दुबईमध्ये खरेदी केली आहे. ती भारतात आणण्याची तयारी सुरू आहे. 

मॅकलरेन ७६५LT चे मालक असलेल्या तीन जणांपैकी एक आनंद आहे. याआधी ही महागडी गाडी खरेदी करणाऱ्या दोघांपैकी एक बंगळुरूचा आहे. बंगळुरूचे उद्योजक रंजीत संदरमूर्ती यांच्याकडे ही गाडी आहे. रंजीतने दुबईमध्ये गाडी खरेदी करून नंतर मोठे शुल्क भरून ती भारतात आणली. तिसरे मालक हैदराबादचे उद्योजक नसीर खान आहेत. 

४.० लिटर ट्विन टर्बोचार्ज्ड V८ पेट्रोल इंजिन आहे. हे पॉवरफुल इंजिन ७६५ पीएस पॉवर आणि ८०० एनएम पीक टॉर्क जनरेट करू शकते. ७ स्पीड ट्रान्समिशन आहे.