Cancer Drugs Price : कॅन्सरच्या रुग्णांसाठी मोठा दिलासा, ११० औषधं होणार स्वस्त!
सार
केंद्र सरकारने कॅन्सरच्या औषधांवरील ट्रेड मार्जिन ३० टक्क्यांपर्यंत मर्यादित करण्याचा निर्णय घेतलाय. यामुळे ३५ पेटंट औषधांसह तब्बल ११० कॅन्सरची औषधं स्वस्त होणार आहेत. रुग्णांना परवडणाऱ्या दरात जीवनरक्षक औषधं मिळावीत, हा यामागचा मुख्य उद्देश आहे.
नवी दिल्ली : सरकारच्या किंमत नियंत्रण यादीत नसलेल्या कॅन्सरच्या सर्व औषधांवरील ट्रेड मार्जिन जास्तीत जास्त ३० टक्क्यांपर्यंत मर्यादित ठेवण्याचा निर्णय सरकारने घेतलाय, अशी माहिती सूत्रांनी दिली आहे. हा नियम ब्रँडेड, जेनेरिक, देशात तयार होणारी, आयात केलेली, तसंच पेटंट असलेली आणि नसलेली अशा सर्वच औषधांना लागू होणार आहे.
ट्रेड मार्जिन म्हणजे नेमकं काय? तर औषध कंपनीने ठरवलेली किंमत आणि घाऊक किंवा किरकोळ विक्रेते औषध विकताना जो नफा कमवतात, त्यातील फरक. या नफ्यावर नियंत्रण आणून कॅन्सरसारख्या गंभीर आजारावरील जीवनरक्षक औषधं सर्वसामान्यांना परवडणाऱ्या दरात उपलब्ध करून देण्याचा सरकारचा प्रयत्न आहे. या महिन्याच्या अखेरीस हा आदेश लागू होण्याची शक्यता आहे. यामुळे ३५ पेटंट औषधांसह एकूण ११० कॅन्सरच्या औषधांच्या किमती कमी होतील, असं सूत्रांचं म्हणणं आहे.
प्रशांतने विकली बनावट अँटीबायोटिक्स!
बंगळुरू: परदेशातील प्रसिद्ध औषध कंपनी फायझरच्या (Pfizer) नावाने आरोपी प्रशांतने तब्बल १५ हजारांहून अधिक बनावट अँटीबायोटिक औषधांच्या बाटल्या विकल्याचा धक्कादायक प्रकार एसआयटीच्या (SIT) तपासात उघडकीस आला आहे.
बनावट औषध विक्री रॅकेटचा मुख्य सूत्रधार असलेल्या प्रशांतच्या औषध व्यवसायाची एसआयटीने कसून चौकशी केली. तेव्हा गेल्या पाच वर्षांपासून तो अमेरिकेतील फायझर कंपनीच्या नावाखाली प्रामुख्याने दोन अँटीबायोटिक औषधांची मोठ्या प्रमाणावर विक्री करत असल्याची माहिती समोर आली आहे.
गंभीर स्वरूपाच्या संसर्गावर डॉक्टर फायझर कंपनीची ही अँटीबायोटिक औषधं लिहून देत असत. बाजारात या औषधांना मोठी मागणी होती. शिवाय, या एका औषधाची किंमत ५,५०० ते ६ हजार रुपयांच्या घरात होती. याच गोष्टीचा फायदा घेत, ही औषधं बनावट पद्धतीने विकून बक्कळ पैसा कमवण्याचा कट प्रशांतने रचला. त्याने फायझर कंपनीच्या हुबेहूब दिसणाऱ्या बाटल्यांमध्ये बनावट औषध भरून ते बाजारात विकलं आणि यातून कोट्यवधी रुपये छापले, अशी माहिती तपासातून पुढे आली आहे.