Ex IT Professional Turns Serial Thief Commits Over 60 Thefts Buys BMW : पोस्ट ग्रॅज्युएट, IT कंपनीत नोकरी आणि मग 60 पेक्षा जास्त चोऱ्या! आंध्र प्रदेशचा माजी टेकी सनी चोरीच्या सोन्यातून BMW खरेदी करत होता. त्यातून राजासारखा फिरत होता.
आंध्र प्रदेशमधून समोर आलेली ही बातमी धक्कादायक आहे. एक असा तरुण, ज्याने कधीकाळी IT कंपनीत नोकरी केली, पोस्टग्रॅज्युएट पदवी मिळवली आणि चांगल्या भविष्याची स्वप्ने पाहिली - तोच तरुण नंतर सराईत चोर बनला. प्रश्न पडतो की शिक्षण, नोकरी, बुद्धी सगळं असताना 60 पेक्षा जास्त चोऱ्या का केल्या? पोलिसांच्या मते, या माजी IT प्रोफेशनलने चोरीच्या सोन्यातून केवळ महागडं आयुष्यच जगलं नाही, तर BMW सारखी लक्झरी कारही खरेदी केली.
26
माजी IT प्रोफेशनल अच्ची महेश रेड्डी नक्की कोण?
अटक केलेल्या आरोपीचे नाव अच्ची महेश रेड्डी असून, तो सनी नावानेही ओळखला जातो. तो आंध्र प्रदेशातील काकीनाडा येथील रहिवासी असून काही काळापासून विशाखापट्टणमच्या माधवाधारा परिसरात राहत होता. सनी पोस्टग्रॅज्युएट होता आणि त्याने यापूर्वी हैदराबादमधील एका नामांकित IT कंपनीत काम केले होते, हे जाणून पोलिसांना आश्चर्य वाटले.
36
आलिशान जीवनशैलीसाठी चोरीचा मार्ग का निवडला?
पोलिसांच्या म्हणण्यानुसार, सनीला महागडे आणि दिखाऊ आयुष्य जगायचे होते. लक्झरी कार, ब्रँडेड वस्तू आणि परदेश दौरे ही त्याची आवड बनली होती. IT नोकरीतून मिळणारे उत्पन्न त्याच्या स्वप्नांसाठी कमी पडू लागले आणि येथूनच त्याने गुन्हेगारीचा मार्ग निवडला.
