CRPF जवानावर हेरगिरीचा आरोप, पाकिस्तानला गोपनिय माहिती दिल्याचा संशय

NIA च्या सोमवारी प्रसिद्ध झालेल्या प्रसिद्धीपत्रकानुसार, मोती राम जाट नावाचा हा सीआरपीएफ जवान सक्रियपणे हेरगिरीत सहभागी होता आणि २०२३ पासून पाकिस्तान गुप्तचर अधिकाऱ्यांना (PIOs) राष्ट्रीय सुरक्षेशी संबंधित गुप्त माहिती देत होता.

नवी दिल्ली - राष्ट्रीय तपास संस्थेने (NIA) एका केंद्रीय राखीव पोलीस दलाच्या (CRPF) जवानाला हेरगिरी आणि पाकिस्तानी अधिकाऱ्यांना संवेदनशील माहिती दिल्याच्या आरोपाखाली अटक केली आहे. NIA च्या सोमवारी प्रसिद्ध झालेल्या प्रसिद्धीपत्रकानुसार, मोती राम जाट नावाचा हा सीआरपीएफ जवान सक्रियपणे हेरगिरीत सहभागी होता. २०२३ पासून पाकिस्तान गुप्तचर अधिकाऱ्यांना (PIOs) राष्ट्रीय सुरक्षेशी संबंधित गुप्त माहिती देत होता. 

संस्थेला असेही आढळून आले आहे की जाटला विविध माध्यमांद्वारे PIO कडून पैसे मिळत होते. जाटला NIA ने दिल्लीत अटक केली. या प्रकरणी पटियाला हाऊस कोर्टातील विशेष न्यायालयाने ६ जूनपर्यंत कोठडी सुनावली आहे.

"राष्ट्रीय तपास संस्थेने (NIA) पाकिस्तानी गुप्तचर अधिकाऱ्यांना संवेदनशील माहिती दिल्याबद्दल एका सीआरपीएफ जवानाला अटक केली आहे. आरोपी मोती राम जाट हेरगिरीत सक्रियपणे सहभागी होता. २०२३ पासून पाकिस्तान गुप्तचर अधिकाऱ्यांना (PIOs) राष्ट्रीय सुरक्षेशी संबंधित गुप्त माहिती देत होता. संस्थेला असेही आढळून आले आहे की त्याला PIO कडून विविध माध्यमांद्वारे पैसे मिळत होते. NIA ने दिल्लीतून मोती रामला अटक केली आहे आणि आरोपीची चौकशी सुरू आहे, ज्याला पटियाला हाऊस कोर्टातील विशेष न्यायालयाने ६ जूनपर्यंत NIA च्या कोठडीत ठेवले आहे," असे प्रसिद्धीपत्रकात म्हटले आहे.

शनिवारी, गुजरात दहशतवादविरोधी पथकाने (ATS) कच्छ जिल्ह्यातील एका बहुउद्देशीय आरोग्य कर्मचारी सहदेव सिंह गोहिल याला सीमा सुरक्षा दल (BSF) आणि भारतीय नौदलाशी संबंधित गुप्त माहिती पाकिस्तानी एजंटला दिल्याच्या आरोपाखाली अटक केली होती.

गुजरात ATS चे एसपी के सिद्धार्थ यांनी या अटकेची पुष्टी केली आहे. गोहिलने आदिती भारद्वाज नावाच्या एका पाकिस्तानी एजंटशी WhatsApp द्वारे संवाद साधला होता आणि त्यांना BSF आणि भारतीय नौदलाच्या ठिकाणांचे संवेदनशील फोटो आणि व्हिडिओ पाठवले होते.