Gas Cylinder Price Today: मे महिन्याच्या पहिल्याच दिवशी महागाईचा मोठा झटका बसला आहे. जर तुम्ही बाहेर जेवण्याचे शौकीन असाल किंवा तुमचा छोटा-मोठा ढाबा किंवा रेस्टॉरंट असेल, तर तुमच्यासाठी ही बातमी महत्त्वाची आहे.
हॉटेल आणि दुकानांमध्ये वापरला जाणारा १९ किलोचा निळा व्यावसायिक सिलेंडर आता खूप महाग झाला आहे. इंडियन ऑइलच्या माहितीनुसार, एकट्या दिल्लीतच या सिलेंडरची किंमत थेट ₹993 ने वाढली आहे.
25
दिल्लीत किंमती किती?
दिल्लीत कालपर्यंत जो व्यावसायिक सिलेंडर ₹2,078 ला मिळत होता, त्यासाठी आता तुम्हाला ₹3,071.50 मोजावे लागतील. दिल्लीसोबतच मुंबई, कोलकाता आणि चेन्नईसारख्या मोठ्या शहरांमध्येही किमतीत मोठी वाढ झाली आहे.
35
घरगुती गॅस सिलिंडरच्या किंमती
सर्वसामान्यांसाठी एक मोठा दिलासा आहे. सरकारने सध्या १४.२ किलोच्या घरगुती (लाल) गॅस सिलेंडरच्या किमतीत कोणताही बदल केलेला नाही. म्हणजेच, तुमच्या स्वयंपाकघराचं बजेट सध्या तरी सुरक्षित आहे.
व्यावसायिक गॅस महागल्यामुळे आता हॉटेल-रेस्टॉरंटमधील जेवण, नाश्ता महाग होऊ शकतो. लग्नसराईत केटरिंगचा खर्च वाढू शकतो. तसेच, बाहेर राहून टिफिन मागवणाऱ्यांच्या मासिक बिलावरही याचा परिणाम दिसू शकतो.
55
का वाढल्यात किंमती?
मध्य-पूर्वेतील तणाव, होर्मुझच्या सामुद्रधुनीतील वाद आणि आंतरराष्ट्रीय बाजारातील गॅसच्या किमतीतील चढ-उतार यामुळे तेल कंपन्यांनी ही दरवाढ केली आहे. प्रत्येक महिन्याच्या १ तारखेला नवीन दर जाहीर होतात. तुमच्या शहरातील दर तपासण्यासाठी तुम्ही इंडियन ऑइलच्या वेबसाइटला भेट देऊ शकता.
