Business Idea : तुमच्या बिल्डिंगवर मोकळी जागा आहे? असे केल्यास होईल चांगली कमाई!

Business Idea: नवीन वर्ष जसे संकल्पाचे असते तसे अनेक आशा घेऊन येणारे असते. साधारणपणे, नवीन वर्षात लोक नवीन संकल्प करतात, पण ते किती पूर्ण होतात, हा प्रश्नच आहे.. नव्या वर्षी आर्थिक प्रगती करू इच्छिणाऱ्यांसाठी एक उत्तम बिझनेस आयडिया जाणून घेऊया. 

स्वतःचा व्यवसाय सुरू करण्याकडे कल

आजकाल नोकरीपेक्षा व्यवसायाकडे वळणाऱ्यांची संख्या वाढत आहे. सुशिक्षित तरुणही स्वतःचा व्यवसाय सुरू करत आहेत. कमी गुंतवणुकीत मोत्यांची शेती हा एक उत्तम पर्याय आहे.

मोत्यांच्या व्यवसायाला वाढती मागणी

दागिन्यांमध्ये मोत्यांना नेहमीच मागणी असते. केवळ देशातच नव्हे तर, परदेशातही मागणी जास्त आहे, पण तुलनेत उत्पादन कमी आहे. त्यामुळे मोत्यांच्या शेतीतून चांगला नफा मिळवण्याची संधी आहे.

मोत्यांची शेती कधी सुरू करावी?

मोत्यांच्या शेतीसाठी ऑक्टोबर ते डिसेंबर हा काळ उत्तम असतो. सुमारे 500 चौरस फुटांच्या तलावात हे करता येते. हे बिल्डिंगच्या टेरेसवरही शक्य आहे. एका ऑयस्टरची किंमत 15-25 रुपये असते.

गुंतवणूक किती? नफा कसा मिळतो?

100 ऑयस्टरसाठी सुमारे 20,000 रुपये गुंतवणूक लागते. मोती तयार व्हायला 15-20 महिने लागतात. एका मोत्याची किंमत 300 ते 1500 रुपये असू शकते. यातून लाखो रुपये कमावता येतात.

प्रशिक्षण आणि मार्गदर्शनही उपलब्ध

मोत्यांच्या शेतीसाठी ICAR-CIFA प्रशिक्षण देते. योग्य प्रशिक्षण घेतल्यास धोका कमी असतो.

सूचना : ही प्राथमिक माहिती आहे. व्यवसाय सुरू करण्यापूर्वी तज्ज्ञांचा सल्ला घ्या.