पेट्रोल आणि डिझेलच्या किंमतीत मोठी घट, किती रुपये स्वस्त इंधन मिळणार?

नायरा एनर्जीच्या पेट्रोल पंपांवर पेट्रोल ५ रुपयांनी तर डिझेल ३ रुपयांनी स्वस्त झाले आहे. यासोबतच, १९ किलोच्या व्यावसायिक एलपीजी गॅस सिलिंडरच्या किंमतीतही १८३.५० रुपयांची घट झाली असून हे नवीन दर बुधवारपासून लागू होणार आहेत.

पेट्रोल आणि डिझेलचे भाव कमी झाले आहेत. नायरा एनर्जीच्या देशभरातील पेट्रोल पंपांवर हे भाव कमी झाल्याचं सांगण्यात आलं आहे. पेट्रोल पाच रुपयांनी स्वस्त झालं असून डिझेल ३ रुपयांनी स्वस्त झालं आहे. नायरा एनर्जीचे देशभरात जवळपास ७००० पेट्रोल पंप आहेत. मध्यंतरीच्या काळात पेट्रोलचे भाव कायमच वाढले होते.

मुंबईत सध्या पेट्रोल डिझेलचा रेट किती?

आपण मुंबईत सध्या पेट्रोल आणि डिझेलचा रेट किती आहे ते जाणून घेणार आहोत. आता मुंबईमध्ये पेट्रोलचा प्रतिलिटर भाव हा १११.२१ रुपये असून डिझेलचा भाव हा ९७.८३ रुपये आहे. पेट्रोल आणि डिझेल खरेदीचे नियम आता दूर करण्यात आले आहेत. एलपीजी सिलिंडरच्या दरात कंपनीच्या वतीने आता घट करण्यात आली आहे.

किती झाला एलपीजीचा भाव? 

आपण आता एलपीजीचा भाव किती झाला ते जाणून घेणार आहोत. एलपीजी गॅस सिलिंडरच्या किंमतीत घट झाली आहे. १९ किलोची गॅस सिलिंडरची किंमत १८३.५० रुपयांनी कमी झाली आहे. पाच किलोच्या लहान गॅस सिलिंडरच्या किंमतीत सहा रुपयांनी घट झाली आहे. बुधवारी सकाळपासून हे नवीन दर लागू होणार आहेत.