केवळ 11 महिन्यांत ॲपलने भारतात 1 लाख कोटी रुपयांचे आयफोन बनवले, मोदी सरकारच्या PLI योजनेने रचला विक्रम

केंद्रीय मंत्री राजीव चंद्रशेखर यांनी सोशल मीडिया प्लॅटफॉर्मवर माहिती दिली आहे. त्यासोबतच त्यांनी लिहिलं आहे की,  त्यासोबत त्यांनी लिहिले की, नरेंद्र मोदी सरकारची 'पीएलआय योजना' रोज नवनवे रेकॉर्ड बनवत आहे. त्यामुळे उत्पादनाने नवीन उंची गाठली आहे. या योजनेमुळे भारताची निर्यात वाढली असून लोकांना रोजगार मिळाला आहे.

राजीव चंद्रशेखर यांनी म्हटले आहे की, पीएलआय योजनेचा लाभ घेत ॲपलने आर्थिक वर्ष 2024 च्या 11 महिन्यांत भारतात 1 लाख कोटी रुपयांपेक्षा जास्त किमतीचे आयफोन बनवले. यामुळे फॉक्सकॉन, पेगाट्रॉन आणि विस्ट्रॉनद्वारे चालवल्या जाणाऱ्या आयफोन कारखान्यांमध्ये भारतातील तरुणांना मोठ्या प्रमाणात नवीन नोकऱ्या मिळाल्या. ॲपल भारतात बनवलेल्या दोन तृतीयांश उत्पादनांची निर्यात करते. भविष्यात तिरुअनंतपुरममध्ये इलेक्ट्रॉनिक्स कारखाने आणि स्टार्टअप्सची स्थापना केली जाईल.