मुंबई - एक काळ असा होता जेव्हा फक्त अभिनेत्यांनाच मोठ्या प्रमाणात मानधन मिळायचे. आता अभिनेत्रीही मोठे मानधन घेताना दिसून येत आहेत. नयनतारा आघाडीची अभिनेत्री असून ती कोट्यवधी रुपये फी आकारते. जाणून घ्या तिच्या संपत्तीबद्दल…
एक काळ असा होता जेव्हा फक्त अभिनेत्यांनाच जास्त मानधन मिळायचे. अभिनेते कोटींमध्ये मानधन घेत असताना, अभिनेत्रींना लाखांवर समाधान मानावे लागायचे. पण आता काही अभिनेत्री अभिनेत्यांपेक्षाही जास्त मानधन घेत आहेत. बॉलिवूडमध्ये २० ते ३० कोटींपेक्षा जास्त मानधन घेणाऱ्या अभिनेत्री आहेत. अभिनेत्रींचे मानधन प्रचंड वाढत आहे. दक्षिणेतील अभिनेत्री नयनताराने तर ५० सेकंदांच्या जाहिरातीसाठी ५ कोटी रुपये घेतले आहे. ति्च्याकडे किती संपत्ती आहे हे माहित आहे का ?
26
दक्षिणेसह बॉलिवूडमध्येही गाजलेल्या चित्रपटांमध्ये काम
केरळमधील नयनताराने मल्याळम चित्रपटातून सुरुवात केली, पण खरी ओळख तिला तमिळ चित्रपटांमधून मिळाली. तिने करिअरची सुरुवात वृत्तनिवेदिका म्हणून केली होती. सुरुवातीला तिला चित्रपटात यायची इच्छा नव्हती, पण नंतर ती यात आली आणि हळूहळू यश मिळवत गेली. ब्रेकअपनंतर तिने चित्रपट सोडायचा विचार केला होता, पण पुन्हा जोरात परत येऊन आपली जागा पक्की केली.
रजनीकांत, चिरंजीवी, शाहरुख खान, मोहनलाल अशा मोठ्या स्टार्ससोबत तिने काम केले आहे. तेलुगू आणि तमिळ चित्रपटांमध्ये तिने वेगळी ओळख निर्माण केली. अलीकडेच तिने बॉलिवूडमध्ये पदार्पण करून मोठे यश मिळवले. शाहरुख खानसोबतचा तिचा ‘जवान’ हा चित्रपट १००० कोटींपेक्षा जास्त कमाई करत त्याने तिला उत्तर भारतातही स्टार बनवले. त्यानंतर तिने बॉलिवूडमध्ये आणखी चित्रपट केले नाहीत, पण तिची लोकप्रियता खूप वाढली आहे.
36
५० सेकंदांच्या जाहिरातीसाठी ५ कोटी?
बॉलिवूडच्या स्टार अभिनेत्रीच सर्वाधिक मानधन घेतात हा समज नयनताराने चुकीचा ठरवला आहे. मानधनाच्या बाबतीत ती सातत्याने वाढ करत आहे. एका चित्रपटासाठी ती १५ कोटींपेक्षा जास्त रक्कम घेत असल्याचे सांगितले जाते. इतकेच नाही, तर केवळ ५० सेकंदांच्या टीव्ही जाहिरातीसाठी तिला ५ कोटी रुपये मिळाले आहेत. भारतीय चित्रपटसृष्टीत हा आतापर्यंतचा सर्वात मोठा जाहिरात करार मानला जातो. ही जाहिरात नयनताराने टाटा स्कायसाठी केली आहे. मात्र, तिच्या मानधनाची अधिकृत पुष्टी झालेली नाही.
२०१८ मध्ये फोर्ब्स इंडियाच्या टॉप १०० सेलिब्रिटींच्या यादीत स्थान मिळवणारी एकमेव दक्षिण भारतीय अभिनेत्री नयनतारा होती. २० वर्षांच्या कारकिर्दीत तिने ७५ पेक्षा जास्त चित्रपट केले आहेत आणि अनेक पुरस्कार जिंकले आहेत. चित्रपटसृष्टीत तिने अनेक चढ-उतार पाहिले, पण पैशांच्या बाबतीत मात्र ती नेहमीच नियोजनबद्ध राहिली. चित्रपटांतून मिळालेला पैसा तिने व्यवसायात गुंतवला आहे आणि स्वतःचे काही उद्योगही सुरू केले आहेत.
आर्थिकदृष्ट्या ती खूप उंचीवर पोहोचली आहे. दक्षिण भारतात खाजगी विमान असलेली पहिली अभिनेत्री म्हणून तिने विक्रम केला आहे. अभिनयासोबतच ती निर्मिती क्षेत्रातही उतरली असून, ‘रौडी पिक्चर्स’ या बॅनरखाली तिने अनेक ब्लॉकबस्टर चित्रपटांची निर्मिती केली आहे.
56
प्रेम, लग्न आणि मुले
स्टार अभिनेत्री म्हणून काम करत असताना नयनतारा दोन वेळा प्रेमात पडली, पण दोन्ही वेळा तिचे नाते तुटले. दोन्ही प्रेमकथा वादग्रस्त ठरल्या. सिंबूसोबतचा तिचा वाद खूप चर्चेत राहिला. त्यानंतर ती प्रसिद्ध कोरिओग्राफर प्रभुदेवाशी लग्न करण्याच्या तयारीत होती, पण प्रभुदेवाच्या पत्नीने निर्माण केलेल्या वादामुळे त्यांचा संबंध संपुष्टात आला.
यानंतर काही काळाने ती दिग्दर्शक विग्नेश शिवनच्या प्रेमात पडली. जवळपास पाच वर्षे त्यांचे प्रेमसंबंध टिकले. अखेरीस नयनताराने विग्नेशशी लग्न केले आणि सरोगसीद्वारे जुळ्या मुलांना जन्म दिला.
66
धनुषसोबतचा वाद
आपल्या लग्नाची डॉक्युमेंटरी तयार करण्यासाठी नयनताराने एका प्रसिद्ध स्ट्रीमिंग प्लॅटफॉर्मसोबत करार केला आणि त्यातून तब्बल २५ कोटी रुपये मिळवले. मात्र ही डॉक्युमेंटरी वादात सापडली. ‘नानुम रौडी धान’ या चित्रपटातील एक क्लिप तिने परवानगीशिवाय वापरल्याने, चित्रपटाचे निर्माते धनुष यांनी तिच्यावर कायदेशीर कारवाई केली. यानंतर नयनताराने धनुषविरोधात काही वादग्रस्त वक्तव्ये केली. हा वाद अजूनही न्यायालयात सुरू आहे.
सरोगसीच्या मुद्द्यावरूनही ती चर्चेत आली होती. तसेच चित्रपटसृष्टीतील इतर काही प्रसंगांमध्ये तिच्या वागण्यामुळे वाद निर्माण झाले. तरीही ४० वर्षांच्या वयातही तिची स्टार इमेज तशीच टिकून आहे. सध्या ती तेलुगू चित्रपटात मेगास्टार चिरंजीवीसोबत, दिग्दर्शक अनिल रविपुडी यांच्या चित्रपटात काम करत आहे.
