Street Harassment: भररस्त्यात महिलेशेजारी उभं राहून करत होता घाणेरडं कृत्य, तिने कॉलर पकडून शिकवला धडा!
सार
अप्पर क्रॉस स्ट्रीटवर एक व्यक्ती महिलेच्या शेजारी उभा राहून हस्तमैथुन करत होता. हे लक्षात येताच त्या महिलेने त्याचा पाठलाग करून त्याला कॉलरला पकडलं. तिने हा संपूर्ण प्रकार इन्स्टाग्रामवर शेअर केला आहे.
अप्पर क्रॉस स्ट्रीटवर एका महिलेने एका व्यक्तीला भररस्त्यात कॉलरला पकडून चांगलाच धडा शिकवला. कारण होतं, तो तिच्या शेजारी उभं राहून हस्तमैथुन करत होता. @xuerylg नावाच्या इन्स्टाग्राम युझरने १५ ऑगस्ट रोजी ही घटना शेअर केली.
तिने आपल्या पोस्टमध्ये सांगितलं की, ती ऑफिसबाहेर सिगारेट ओढत होती. तेव्हा एक व्यक्ती तिच्याजवळ आला आणि आपली पॅन्ट हलू लागला. सुरुवातीला तिला वाटलं की त्याला गरम होत असेल आणि तो हवा घेण्यासाठी असं करत असेल. पण जेव्हा ती थोडी मागे सरकली आणि निरखून पाहिलं, तेव्हा तिच्या लक्षात आलं की तो तिच्या शरीराकडे बघत हस्तमैथुन करत होता.
हे पाहताच त्या महिलेने लगेच त्या व्यक्तीला जाब विचारला आणि त्याची कॉलर पकडली. रस्त्यावरील छेडछाडीबद्दल (street harassment) जागरूकता निर्माण करण्यासाठी तिने ही घटना शेअर केल्याचं म्हटलं आहे.
ही पोस्ट व्हायरल झाली असून, अनेकजण त्या महिलेच्या धाडसाचं कौतुक करत आहेत. तर काहींनी सार्वजनिक सुरक्षेबद्दल चिंता व्यक्त केली आहे.
अद्याप त्या व्यक्तीची ओळख पटलेली नाही. याप्रकरणी पोलीस तक्रार दाखल झाली आहे की नाही, हे देखील स्पष्ट झालेलं नाही.
या घटनेमुळे सार्वजनिक ठिकाणी होणाऱ्या छेडछाडीवर पुन्हा एकदा चर्चा सुरू झाली आहे. अनेकांनी अशा कृत्यांविरोधात कठोर कायदे करण्याची मागणी केली आहे.