Salim Khan Health Live Updates : सलीम खान यांना भेटण्यासाठी अनेक कलाकारांची रुग्णालयात धाव, डॉक्टरांनी दिली आरोग्यासंबंधित मोठी अपडेट

Salim Khan Health Live Updates : ९० वर्षीय दिग्गज पटकथा लेखक सलीम खान यांना प्रकृती बिघडल्याने मुंबईतील लिलावती येथे आयसीयूमध्ये दाखल करण्यात आले आहे. 

Salim Khan Health Live Updates : बॉलिवूडमधील ज्येष्ठ पटकथा लेखक सलीम खान यांची प्रकृती बिघडल्याने त्यांना १७ फेब्रुवारी रोजी सकाळी मुंबईतील लीलावती रुग्णालयात दाखल करण्यात आले. त्यांना अतिदक्षता विभागात (आयसीयू) ठेवण्यात आले असून डॉक्टरांची विशेष टीम त्यांच्या प्रकृतीवर लक्ष ठेवून आहे. सध्या त्यांची तब्येत स्थिर असल्याची माहिती रुग्णालय प्रशासनाने दिली आहे.

प्रकृती बिघडल्याने तातडीने रुग्णालयात दाखल

पीटीआयच्या वृत्तानुसार, सकाळी ८:३० वाजता सलीम खान यांना आयसीयूमध्ये दाखल करण्यात आले. त्यांच्यावर डॉ. जलील पारकर यांच्या देखरेखीखाली उपचार सुरू आहेत. त्यांचे फॅमिली डॉक्टर डॉ. संदीप चोप्रा यांनी त्यांना रुग्णालयात दाखल केले होते. सध्या तज्ञ डॉक्टरांची टीम त्यांच्यावर लक्ष ठेवून आहे.

सलमान खान सर्वप्रथम भेटीस

ही माहिती समजताच सलमान खान सर्वात आधी वडिलांना भेटण्यासाठी रुग्णालयात पोहोचले. त्यानंतर मुलगी अलविरा खान, जावई अतुल अग्निहोत्री, नातू अयान अग्निहोत्री तसेच अर्पिता खानचे पती अभिनेता आयुष शर्मा यांनीही रुग्णालयात भेट दिली. संपूर्ण खान कुटुंब सध्या या कठीण काळात एकत्र उभे आहे.

सोशल मीडियावर फोटो-व्हिडिओ व्हायरल

रुग्णालयाबाहेरून समोर आलेले फोटो आणि व्हिडिओ सोशल मीडियावर मोठ्या प्रमाणात शेअर होत आहेत. चाहते आणि चाहत्यांनी सलीम खान यांच्या लवकर प्रकृती सुधारण्यासाठी प्रार्थना व्यक्त केल्या आहेत.

डॉक्टरांचे अधिकृत निवेदन

रुग्णालय प्रशासनाकडून जारी करण्यात आलेल्या निवेदनानुसार, सलीम खान यांची प्रकृती सध्या स्थिर आहे. रुग्णाची गोपनीयता राखत नातेवाईकांच्या संमतीने १८ फेब्रुवारी रोजी सकाळी ११ वाजता अधिकृत प्रेस बुलेटिन जारी करण्यात येणार असल्याचे सांगण्यात आले आहे.