Raghav Juyal : शहनाज गिलसोबतच्या लग्नाच्या चर्चेवर राघव जुयालने सोडलं मौन, म्हणाला...

अभिनेता आणि डान्सर राघव जुयालचं नाव नेहमीच शहनाज गिलसोबत जोडलं जातं. आता लग्नाबद्दल विचारल्यावर राघवने एक मजेशीर उत्तर दिलं आहे. जाणून घेऊया त्याच्या वैयक्तिक आयुष्याबद्दल तो काय म्हणाला.

डान्सर आणि अभिनेता राघव जुयाल आणि शहनाज गिल यांच्या डेटिंगच्या चर्चांना राघवच्या वाढदिवसाच्या सेलिब्रेशननंतर उधाण आलं होतं. या दोघांनी 'किसी का भाई किसी की जान' या सिनेमात एकत्र काम केलं होतं. पण, त्यांनी कधीही त्यांच्या नात्याची कबुली दिली नाही आणि 'आम्ही फक्त चांगले मित्र आहोत' याच भूमिकेवर ते ठाम राहिले. आता नुकतंच, एका मुलाखतीत राघवने त्याच्या लग्नाच्या प्लॅन्सबद्दल खुलासा केला आहे आणि त्याचं उत्तर ऐकून तुम्हालाही हसू आवरणार नाही.

राघवची लग्नाबद्दलची योजना

हो, तुम्ही बरोबर वाचलंत. असं दिसतंय की राघवच्या लग्नाला अजून बराच वेळ आहे. निहारिका एनएम सोबतच्या त्याच्या आगामी 'भाई तेरा स्टार है' या सिनेमाच्या प्रमोशनवेळी 'कर्ली टेल्स'ला दिलेल्या मुलाखतीत त्याने हे उत्तर दिलं. या सिनेमातून निहारिका बॉलिवूडमध्ये पदार्पण करत आहे. दोघांनी नुकतंच एका गाण्याचं शूटिंगही केलं असून सध्या ते सिनेमाच्या प्रमोशनमध्ये व्यस्त आहेत.

लग्नाच्या प्लॅन्सबद्दल काय म्हणाला राघव?

राघव म्हणाला, “शादी में तो यार अभी वक्त है क्युकी, नही पता नही है मुझे शादी का की करुंगा नही करुंगा. It just clicks. ये कोई वो नही है की तुम Google map लेके ढूँढ रहे हो. It happens, कुछ चीजें युनिव्हर्स पे छोड देनी चाहिए. मुझे अभी बहोत कुछ करना है. मुझे बहोत कुछ करना है, and अभी मुझे उसके लिए वक्त नही मिल रहा है.”

याचाच अर्थ, "लग्नाला अजून वेळ आहे. खरं तर, मी लग्न करेन की नाही हे मला माहीत नाही. ही गोष्ट आपोआप घडते, तुम्ही काही गुगल मॅप घेऊन तिला शोधू शकत नाही. काही गोष्टी नशिबावर सोडून द्यायला हव्यात. मला सध्या खूप काही करायचं आहे आणि त्यासाठीच माझ्याकडे वेळ नाहीये."

डेटिंगच्या चर्चांबद्दल

हे लक्षात घ्या की जुलै २०२६ पर्यंत, शहनाज आणि राघव दोघांनीही त्यांच्या डेटिंगच्या चर्चा नाकारल्या आहेत आणि ते फक्त खूप चांगले मित्र असल्याचं स्पष्ट केलं आहे.