RHTDM मधील मॅडीची अशी आहे रिअल लाईफ लव्हस्टोरी, डिनर डेटला गेला अन् हार्ट गमावून बसला!

RHTDM मधील मॅडी म्हणजेच आर. माधवनच्या पत्नीचे नाव सरिता बिर्जे आहे. सरिता फॅशन डिझायनर आणि उद्योजिका आहे. विशेष म्हणजे ती नागपुरची असून दोघे कोल्हापुरमध्ये एकमेकांच्या प्रेमात पडले. डिनर डेटपासून त्यांची स्टोरी सुरु होते, ती आजही तेवढीच चिरतरुण आहे.

माधवनच्या वैयक्तिक आणि व्यावसायिक आयुष्यात सरिता महत्त्वाची भूमिका बजावते. सरिता बिर्जे हिचा जन्म १४ ऑक्टोबर रोजी नागपुरात झाला. १९९० च्या दशकाच्या सुरुवातीला, सरिताला एअरहोस्टेस व्हायचे होते. त्यामुळे तिने कोल्हापुरात व्यक्तिमत्त्व विकास आणि सार्वजनिक भाषण कार्यशाळेत भाग घेतला, जिथे आर. माधवन ट्युटर होता. १९९१ मध्ये त्यांची भेट झाली.

इलेक्ट्रॉनिक्समध्ये पदवी घेतलेला माधवन, भारताभर संवाद आणि सार्वजनिक भाषण कार्यशाळा घेत होता. १९९१ मध्ये कोल्हापुरात झालेल्या एका कार्यशाळेत, सरिता एअरहोस्टेस होण्यासाठी मुलाखतीची तयारी करत होती. तिला नोकरी मिळाली आणि कृतज्ञतेपोटी तिने माधवनला जेवायला बोलावले. तेथूनच त्यांची लव्हस्टोरी सुरू झाली.

आठ वर्षे एकमेकांना डेट केल्यानंतर, माधवन जेव्हा चित्रपटसृष्टीत दाखल झालेला नव्हता तेव्हा १९९९ मध्ये त्यांनी लग्न केले. २००५ मध्ये त्यांना वेदांत नावाचा मुलगा झाला, जो आंतरराष्ट्रीय जलतरणपटू आहे.

सरिता बिर्जे केवळ सेलिब्रिटीची पत्नी नाही, तर एक फॅशन डिझायनर आहे. माधवनच्या अनेक चित्रपटांसाठी तिने कॉस्च्युम डिझायनर म्हणून काम केले आहे. ती ऑस्ट्रियामध्ये 'सरिता' नावाचे कपड्यांचे दुकान चालवते. माधवन म्हणतो की घरातील सर्व आर्थिक व्यवहार सरिता सांभाळते. ते दोघे मिळून 'लियुको फिल्मस्' नावाची चित्रपट निर्मिती कंपनी चालवतात.

२००१ मध्ये 'रेहना है तेरे दिल में' चित्रपटाद्वारे माधवनने बॉलिवूडमध्ये पदार्पण केले तेव्हा त्याला मोठी महिला फॅन फॉलोइंग मिळाली होती, जी सरिताने चांगल्या प्रकारे हाताळली.

बॉलिवूड पार्ट्यांपासून ते चॅरिटी फॅशन शोपर्यंत, हे जोडपे नेहमी एकत्र दिसते. माधवनच्या शूटिंगच्या ठिकाणीही सरिता येते. एकत्र वेळ घालवल्याने त्यांचे नाते घट्ट झाले आहे.

२०२५ च्या जूनमध्ये, त्यांच्या २६ व्या लग्नाच्या वाढदिवसानिमित्त, सरिताने इंस्टाग्रामवर लिहिले, “२६ वर्षांपूर्वी मी माझ्या आयुष्यातील सर्वोत्तम निर्णय घेतला. तो म्हणजे तुझ्याशी लग्न करणे.”

माधवनने त्याच्या लग्नाच्या वाढदिवसानिमित्त लिहिले, “ज्या महिलेने मला जे काही हवे होते ते दिले… एक क्षणही मी बदलू इच्छित नाही.” एवढे दोघे आजही एकमेकांवर प्रेम करतात.