पवन कल्याण यांनी 'हरि हर वीर मल्लु'च्या सिक्वेलबाबत केला खुलासा

पवन कल्याण यांनी 'हरि हर वीर मल्लु'च्या सिक्वेलबाबतच्या चर्चांवर स्पष्टीकरण दिले आहे. पहिल्या चित्रपटाच्या बॉक्स ऑफिस कामगिरी, त्यांच्या राजकीय जबाबदाऱ्या आणि दैवी कृपेवर सिक्वेलचा निर्णय अवलंबून असेल, असे त्यांनी सांगितले.

अभिनेता आणि राजकारणी पवन कल्याण यांनी त्यांच्या चित्रपट आणि राजकीय कारकिर्दीबाबत एका पत्रकार परिषदेत राजकीय आणि चाहते यांच्याशी संबंधित बाबींवर चर्चा केली. विशेषतः २४ जुलै २०२५ रोजी प्रदर्शित होणाऱ्या 'हरि हर वीर मल्लु: भाग १' च्या सिक्वेल कधी येणार याबद्दल पवन यांनी माहिती दिली आहे.

सिक्वेल येणार का? 

अमरावती येथे माध्यमांशी संवाद साधताना, नायक पवन कल्याण यांनी सिक्वेलची शक्यता असल्याचे सांगितले. चित्रपटाचा पुढील पार्ट आणायचा का नाही हे चित्रपटाच्या कमाईवरून ठरवलं जाईल असं त्यांनी सांगितलं. ""आम्ही 'हरि हर वीर मल्लु'च्या सिक्वेलची योजना भाग एकच्या बॉक्स ऑफिस कमाई आणि माझ्या वेळापत्रकानुसार तयार करू. सिक्वेलसाठी आम्हाला देवाच्या आशीर्वादाचीही गरज आहे"", असे ते म्हणाले. अभिनेत्याने असेही सांगितले की भाग २ चे जवळपास २०% चित्रीकरण आधीच पूर्ण झाले आहे, ज्यामुळे या फ्रँचायझीसाठी त्यांची सुरुवातीचीच वाटचाल कायम राहील असं दिसून येत आहे.

राजकारण आणि चित्रपट यांचा समतोल

आंध्र प्रदेशचे उपमुख्यमंत्री आणि जन सेना पक्षाचे नेते पवन कल्याण यांच्यावर सध्याच्या राजकीय कारकिर्दीत चित्रपटांचे प्रकल्प सुरू ठेवल्याबद्दल टीका होत आहे. त्यांनी दोन्ही क्षेत्रातील आपल्या जबाबदाऱ्यांचे समर्थन करत म्हटले आहे की, - “अभिनयाने मला माझी ओळख दिली; राजकारणाने माझी जबाबदारी दिली.” त्यांनी स्पष्ट केले की निवडणुकीनंतर त्यांनी त्यांच्या सर्व चित्रपटांच्या अपेक्षा पूर्ण केल्या.

राजकीय दबाव आणि सांस्कृतिक जबाबदारी

'हरि हर वीर मल्लु' हा चित्रपट वादग्रस्त राहिला आहे. बीसी-मुदिराज समाज गटांनी चित्रपटात लोकनायक पांडुगा सय्यना यांचे चुकीचे चित्रण केल्याचा आरोप करत, तोपर्यंत चित्रपटाचे प्रदर्शन थांबवण्याची धमकी दिली होती. पवन कल्याण यांनी यात मध्यस्थी करत, हा चित्रपट नैतिक आणि सांस्कृतिकदृष्ट्या एक प्रयत्न असल्याचे सांगितले. त्यांनी कोणतेही मानधन न घेतल्याचे सांगत, हा चित्रपट केवळ त्याच्या मेसेजसाठी बनवल्याचे म्हटलं आहे.