Parineeti Chopra Birthday : परिणीती चोप्राची 60 कोटींची संपत्ती आणि 22 कोटींचं घर
परिणीती चोप्रा आज २२ ऑक्टोबरला आपला वाढदिवस साजरा करत आहे. मुंबईतील तिचं सी-फेसिंग अपार्टमेंट, ६० कोटींची संपत्ती आणि लक्झरी गाड्यांचं कलेक्शन…
परिणीती चोप्राच्या मुंबईतील घरातून तिच्या साध्या पण आलिशान लाइफस्टाईलची झलक पाहायला मिळते. ती आधी मुंबईतील वांद्रे या पॉश भागात एका सी-फेसिंग अपार्टमेंटमध्ये राहायची. मीडिया रिपोर्ट्सनुसार, या घराची किंमत जवळपास २२ कोटी रुपये आहे.
या घराचं इंटिरिअर खूपच खास आहे. इंटिरिअर डिझायनर शबनम गुप्ता यांनी हे घर डिझाईन केलंय. यात न्यूट्रल शेड्स, वुडन फ्लोअरिंग, मॉडर्न फर्निचर आणि रंगीबेरंगी सजावट पाहायला मिळते. घराच्या बाल्कनीतून अरबी समुद्राचा सुंदर नजारा दिसतो, ज्यामुळे घरात भरपूर नैसर्गिक प्रकाश येतो.
या घरातील सर्वात खास गोष्ट म्हणजे पुस्तकांच्या कव्हर्सनी सजवलेली एक भिंत. यातून परिणीतीचं पुस्तकांवरील प्रेम दिसून येतं. तिने अनेकदा आपल्या या आवडत्या कोपऱ्याबद्दल सांगितलंय, जिथे ती निवांतपणे पुस्तके वाचते आणि चित्रपट पाहते. यामुळे हे घर एखाद्या शोरूमसारखं न वाटता खूपच जिवंत वाटतं.
पण, राघव चड्ढा यांच्यासोबत लग्न झाल्यानंतर ती आता बहुतांश वेळ दिल्लीतच राहते.