Anant Ambani-Radhika Merchant Wedding : मुलाच्या लग्नासाठी वारासणीतून नीता अंबानींनी खरेदी केली साडी, साडीची किंमत किती?

Anant Ambani, Radhika Merchant Wedding : नीता अंबानींनी मुलाच्या लग्नासाठी खरेदी केलेल्या साडीला तयार करण्यासाठी लागलेत 'इतके' दिवस 

Anant Ambani, Radhika Merchant Wedding : भारताचे मोठे उद्योगपती मुकेश अंबानी व नीता अंबानींचा धाकटा मुलगा अनंत अंबानी १२ जुलैला बोहल्यावर चढणार आहे. राधिका मर्चंट हिच्याबरोबर सात फेरे घेऊन अनंत अंबानी आयुष्याच्या नव्या वाटेवर पाऊल ठेवणार आहे. हिंदू पद्धतीने अनंत-राधिकाच लग्न होणार आहे. १३ जुलैला शुभ आशीर्वादचा कार्यक्रम होणार असून १४ जुलैला मोठा रिसेप्शन सोहळा आयोजित करण्यात आला आहे. या लग्नसोहळ्यात बॉलीवूड सेलिब्रिटींसह दिग्गज मंडळी उपस्थित राहणार आहेत. नीता अंबानी देखील मुलाची लग्न पत्रिका घेऊन काशी विश्वानाथ मंदिरात पोहोचल्या होत्या. यावेळी त्यांनी वाराणसीत गंगा आरती केली. तसेच त्यांनी लाडक्या मुलाच्या लग्नासाठी साड्या देखील खरेदी केल्या. याचा व्हिडीओ सध्या सोशल मीडियावर तुफान व्हायरल झाला आहे.

‘अंबानी अपडेट’ या इन्स्टाग्राम पेजवर नीता अंबानींचा साड्या खरेदी करतानाचा व्हिडीओ शेअर करण्यात आला आहे. या व्हिडीओत नीता अंबानी वेगवेगळ्या साड्या पाहताना दिसत आहेत. नीता अंबानींनी एक नव्हे तर ६० साड्या खरेदी केल्या आहेत. वाराणसी दौऱ्यावर असताना त्यांनी उशीरा रात्री एका हॉटेलमध्ये साड्यांचा स्टॉल लावला. त्यानंतर त्यांनी अनेक रंगाचा साड्या पाहिल्या. यावेळी त्यांनी स्वतःसाठी १ लाख ८० हजार रुपयांची लाख बूटी असलेली साडी खरेदी केली.

साडी व्यापारी अमरेश कुशवाहा म्हणाले, “मला नीता अंबानींच्या लोकांनी संपर्क केला होता. ज्यानंतर मी ६० साड्या घेऊन हॉटेलमध्ये पोहोचलो होतो. रात्री उशीरा नीता अंबानींनी स्वतः साड्या पाहिल्या. त्यांना लाख बूटी असलेली साडी खूप आवडली. ही साडी सोन्या-चांदीने बनवली असून लाल रंगाची आहे. तसेच मी ज्या साड्या घेऊन गेलो होतो त्या सुद्धा सर्व साड्या त्यांच्याकडेच आहेत. त्यांनी स्वतःसाठी घेतलेल्या साडीला तयार करण्यासाठी ५० ते ६० दिवस लागले होते. त्याची किंमत १ लाख ८० हजार रुपये आहे.”

आणखी वाचा :