Mahavatar Narsimha Box Office Collection Day 9 : महावतार नरसिम्हा अ‍ॅनिमेटेड चित्रपटाची बॉक्स ऑफिसवर विक्रमी कामगिरी; दुसऱ्या आठवड्यातही तुफान कमाई

मुंबई : अ‍ॅनिमेटेड असूनही आश्विन कुमार दिग्दर्शित ‘महावतार नरसिम्हा’ या पौराणिक अ‍ॅनिमेटेड चित्रपटाने बॉक्स ऑफिसवर झंझावाती कामगिरी केली आहे. हा चित्रपट केवळ अ‍ॅनिमेशन चित्रपटांच्या लिमिटेशन्स मोडत नाहीये, तर प्रेक्षकांच्या अपेक्षाही पार करत आहे.

सातत्याने वाढणारा कलेक्शनचा आलेख

ट्रेड अ‍ॅनालिस्ट साकनिल्कच्या सुरुवातीच्या अंदाजानुसार, ‘महावतार नरसिम्हा’ने दुसऱ्या शनिवारी (३ ऑगस्ट २०२५) भारतात १५ कोटींचा गल्ला जमवला, ज्यामुळे एकूण कमाई ६७.९५ कोटींवर पोहोचली आहे. पहिल्या सात दिवसांतच या चित्रपटाने ४४.७५ कोटी रुपये मिळवले होते. दुसऱ्या शुक्रवारचा गल्ला ७.७ कोटी होता. चित्रपट आता लवकरच ७० कोटींचा टप्पा पार करणार आहे, ज्यामुळे तो भारतातील सर्वाधिक यशस्वी अ‍ॅनिमेटेड चित्रपटांपैकी एक ठरतोय.

प्रेक्षकांची उपस्थिती (Occupancy Report):

तेलुगू भाषिक प्रेक्षकांचा जबरदस्त प्रतिसाद:

एकूण थिएटर ऑक्युपन्सी: 74.08%

सकाळचे शो: 46.36%

दुपारी: 74.60%

संध्याकाळी: 81.77%

रात्री: 93.57%

हिंदी आवृत्तीचा जोर मेट्रो शहरांमध्ये वाढतोय:

एकूण हिंदी थिएटर ऑक्युपन्सी: 57.17%

सकाळी: 30.37%

दुपारी: 53.14%

संध्याकाळी: 62.70%

रात्री: 82.47%

तामिळ भाषिक प्रदेशांतही स्थिर कामगिरी:

एकूण ऑक्युपन्सी: 66.66%

सकाळी: 35.64%

दुपारी: 68.94%

संध्याकाळी: 77.85%

रात्री: 84.20%

चित्रपटाचे वैशिष्ट्य :

‘महावतार नरसिम्हा’ हा जयपूर्वा दास आणि रुद्र प्रताप घोष यांनी सह-लेखित केला आहे. या चित्रपटातील दृश्य परिणाम, आध्यात्मिक आशय, आणि कथनशैली यांचं सोशल मीडियावर मोठं कौतुक होत आहे. पौराणिक कथा आणि अ‍ॅनिमेशन यांचं सुंदर मिश्रण प्रेक्षकांना खूप भावतंय.