Mahavatar Narsimha box office collection day 7 : सलग दुसऱ्या दिवशी महावतार नरसिम्हाने मोडला सैयाराचा रेकॉर्ड

मुंबई - सैयारा या चित्रपटाने बॉक्स ऑफिस कमाईत अनेक चित्रपटांचे रेकॉर्ड मोडले आहेत. परंतु, महावतार नरसिम्हा या चित्रपटाने गेल्या दोन दिवसांपासून बॉक्स ऑफिस कमाईत सैयारालाही मागे टाकल्याचे दिसून येत आहे.

महावतार नरसिंम्हा (Mahavatar Narsimha)

या भारतीय ॲनिमेटेड चित्रपटाने अवघ्या 6 दिवसांत ₹37.05 कोटी (नेट) रुपये जमा केले आहेत, ज्यात हिंदी आवृत्तीने ₹20.9 कोटी इतकी कमाई दर्शविली.

जाहीर करण्यात आलेल्या आकडेवारीनुसार, सातव्या दिवशी (गुरुवार) या चित्रपटाने ₹7.50 कोटी रुपये कमावले आणि एकूण ₹44.75–₹44.25 कोटी रुपयांच्या कमाईजवळ पोहोचत आहे.

एक आठवड्याच्या आत या चित्रपटाची बॉक्स ऑफिस कमाई ₹39.6–₹44.25 कोटी इतकी झाली असून ₹40 कोटींचा टप्पा पार होताना दिसत आहे.

सैयारा (Saiyaara)

मोहित सूरी निर्देशित आणि अहान पांडे आणि अनीत पड्डा अभिनीत Saiyaara ने दुसऱ्या आठवड्याच्या गुरुवारी ₹6.50 कोटी नेट कमावले, आणि भारतातील एकूण कमाई ₹280.50 कोटी इतकी झाली आहे.

१३ व्या दिवशी (दुसरे बुधवार) त्याने ₹7–₹7.5 कोटी कमावले होते, आणि तो ₹273.50 कोटीपर्यंत पोहोचला होता. गुरुवारी या चित्रपटाने 6.5 कोटीचा गल्ला जमवला.

आता Saiyaara ₹300 कोटींच्या टप्प्याजवळ पोहोचत आहे; पण थोडी मंदी सुरू असली तरी तो अजूनही मजबूत कामगिरी करत आहे.

७.५० कोटी रुपयांची कमाई

अश्विन कुमारचा पौराणिक अ‍ॅक्शन-ड्रामा चित्रपट ‘महावतार नरसिम्हा’ बॉक्स ऑफिसवर यशस्वीपणे घोडदौड करत आहे. सहाव्या दिवशी चित्रपटाने सुमारे ७.५० कोटी रुपयांची कमाई केली, जी ‘सैयारा’च्या बुधवारी झालेल्या सुमारे ७ कोटी रुपयांच्या कमाईपेक्षा थोडी जास्त आहे.

स्पर्धेत बाजी मारली

‘महावतार नरसिम्हा’ने मोठ्या बॅनरच्या चित्रपटांच्या स्पर्धेला तोंड देत आपले स्थान टिकवून ठेवले आहे. बुधवारी, त्याने मोहित सुरी दिग्दर्शित आणि आहान पांडे आणि अनीत पड्डा अभिनीत रोमँटिक ड्रामा ‘सैयारा’ला मागे टाकले. आठवड्याच्या मध्यात दोन्ही चित्रपटांची कमाई जवळपास सारखीच होती, परंतु ‘महावतार नरसिम्हा’च्या चांगल्या प्रसिद्धीमुळे आणि भक्तीपर विषयामुळे त्याला सातत्याने सकारात्मक प्रतिक्रिया मिळत आहे.

६ दिवसांत भारतात ३७ कोटींहून अधिकची कमाई

ट्रेड ट्रॅकर Sacnilk.com नुसार, चित्रपटाने सहा दिवसांत भारतात ३७.०५ कोटी (नेट) रुपयांची कमाई केली आहे. परदेशातील आकडेवारीची अधिकृत पुष्टी नसली तरी, केवळ देशांतर्गत कमाईच चित्रपटाला हिट घोषित करण्यासाठी पुरेशी आहे. सातत्याने होणाऱ्या कमाईमुळे आणि प्रेक्षकांच्या सकारात्मक प्रतिसादामुळे, या वर्षीच्या बॉक्स ऑफिसच्या शर्यतीत त्याने आपले स्थान निर्माण केले आहे.

१४७% नफा, २०२५ मधील सर्वात फायदेशीर चित्रपटांपैकी एक

केवळ १५ कोटी रुपयांच्या बजेटमध्ये बनलेल्या ‘महावतार नरसिम्हा’ने आधीच २२.०५ कोटी रुपयांचा नफा कमावला आहे. गुंतवणुकीवर १४७% परतावा मिळाला आहे, ज्यामुळे २०२५ मध्ये १००% पेक्षा जास्त नफा देणारा हा तिसरा चित्रपट ठरला आहे. या खास क्लबमधील इतर दोन चित्रपट म्हणजे विकी कौशलचा ‘छावा’ आणि आहान पांडेचा ‘सैयारा’.

आध्यात्मिक आकर्षण, अचूक दिग्दर्शन आणि कमी उत्पादन खर्चाच्या जोरावर, ‘महावतार नरसिम्हा’ आतापर्यंतच्या वर्षातील आर्थिकदृष्ट्या सर्वात यशस्वी चित्रपटांपैकी एक बनला आहे.