Ravi Kishan: अभिनेता रवी किशनची पुन्हा चालली जादू ,जाणून घ्या भोजपुरी सुपरस्टार बद्दल
रवी किशन हा भोजपुरी चित्रपटसृष्टीतील प्रसिद्ध अभिनेता आहे. आपल्या करिअरमध्ये त्यांनी डझनभर सुपरहिट चित्रपटांमध्ये काम केले आहे. सध्या ते भाजपचे सदस्य आहेत.आणि आता निवडून आले आहेत.
Ankita Kothare
सार्वत्रिक निवडणुकांच्या काही महिन्यांनंतर आज म्हणजेच ४ जून रोजी लोकसभेचे निकाल समोर आला आहे. संसदेचा मार्ग उत्तर प्रदेशातूनच जातो, असे सांगितले जाते. वाराणसीनंतर गोरखपूर ही उत्तर प्रदेशातील पूर्वांचल प्रदेशातील सर्वात महत्त्वाची जागा मानली जाते. या जागेवरून भाजपचे उमेदवार रवी किशन रिंगणात होते. त्याचवेळी समाजवादी पक्षाने काजल निषाद यांना उमेदवारी दिली होती. त्याचवेळी बसपने जावेद सिमनानी यांना निवडणुकीच्या रिंगणात उतरवले होते. सर्व उमेदवारांना मागे टाकत रवी किशन पुन्हा एकदा लोकसभा निवडणुकीत विजयी झाले आहेत.
कोण आहे रवि किशन?
अभिनेते बनलेले राजकारणी रवी किशन यांचे पूर्ण नाव रवी किशन शुक्ला आहे. मूळचा उत्तर प्रदेशातील जौनपूर येथील असून रवीने मुंबईतील रिझवी कॉलेजमधून बारावीचे शिक्षण घेतले आहे. भोजपुरी सिनेमातील सर्वात मोठ्या सुपरस्टार्समध्ये त्यांची गणना होते. आपल्या चित्रपट कारकिर्दीत त्यांनी अनेक हिट चित्रपट दिले आहेत. 2003 मध्ये प्रदर्शित झालेला 'सैयां हमारा' हा भोजपुरी चित्रपट सुपरहिट ठरल्यानंतर त्यांना मागे वळून पाहण्याची गरज भासली नाही. भोजपुरी चित्रपटांमधील डायलॉग डिलिव्हरी आणि ॲक्शनसाठी ते ओळखला जातात.
हिंदी चित्रपटातून करिअरची सुरुवात केली :
रवी किशन यांनी आपल्या अभिनय कारकिर्दीची सुरुवात हिंदी चित्रपटातून केली होती. त्यांचा पहिला चित्रपट 1992 मध्ये प्रदर्शित झाला होता. ज्याचे नाव होते पितांबर. यानंतर त्यांनी आज का तुफान, रानी और महाराणी आणि टेरर सारख्या चित्रपटात काम केले. 1996 मध्ये रिलीज झालेल्या आर्मी चित्रपटात त्याने श्रीदेवीसोबत स्क्रीन शेअर केली होती.
बड्या स्टार्ससोबत केले आहे काम :
रवी किशन यांनी आपल्या प्रतिभेच्या जोरावर लोकांच्या हृदयात विशेष स्थान निर्माण केले आहे. आत्तापर्यंत त्यांनी हिंदी चित्रपटसृष्टीतील अनेक बड्या स्टार्सच्या चित्रपटात काम केले आहे. अलीकडेच तो आमिर खान प्रॉडक्शनच्या लपता लेडीज चित्रपटात पोलिस अधिकाऱ्याच्या भूमिकेत दिसला होता. या चित्रपटातील त्याचा अभिनय लोकांना खूप आवडला.
आणखी वाचा :
)
)
)
)