Hema Malini Fitness : वयाच्या ७७ व्या वर्षीही हेमा मालिनी कशा राहतात फिट? जाणून घ्या सिक्रेट

वयाच्या ७७ व्या वर्षीही हेमा मालिनी त्यांच्या फिटनेस आणि एनर्जीने चाहत्यांना थक्क करतात. फिट आणि निरोगी राहण्यासाठी त्या जिममध्ये घाम गाळण्याऐवजी रोजच्या साध्या सवयी फॉलो करतात.

वयाच्या ७७ व्या वर्षी हेमा मालिनी कशा राहतात फिट?

वाढत्या वयासोबत थकवा आणि आळस येतो, असं अनेकांना वाटतं. पण हेमा मालिनी त्यांच्या रोजच्या कामांमध्ये खूप ॲक्टिव्ह असतात. वयाच्या ७७ व्या वर्षीही त्यांच्या फिटनेसची नेहमी चर्चा होते. त्या कोणत्याही एका मॅजिक फॉर्म्युल्यावर अवलंबून नाहीत. त्या अनेक वर्षांपासून काही साध्या सवयी पाळत आहेत. योगा, डान्स आणि चांगला आहार हा त्यांच्या आयुष्याचा महत्त्वाचा भाग आहे.

योगासने आहेत सर्वात महत्त्वाची

हेमा मालिनी यांच्या फिटनेस रुटीनमध्ये योगाला खूप महत्त्व आहे. त्यांना योगा करायला आवडतो आणि त्या रोज न चुकता योगासने करतात. फिटनेस म्हणजे फक्त जिममध्ये तासन् तास घाम गाळणे नाही, असं त्या मानतात. योगामुळे शरीर लवचिक आणि ॲक्टिव्ह राहत असल्याने त्या योगाला प्राधान्य देतात.

डान्समुळे शरीर आणि मन राहतं ॲक्टिव्ह

डान्स त्यांच्या आयुष्यात खूप मोठी भूमिका बजावतो. विशेषतः कथ्थकसोबत त्यांचं खूप जवळचं नातं आहे. डान्समुळे त्यांची शारीरिक हालचाल वाढते आणि मन पूर्णपणे ॲक्टिव्ह राहतं. वय वाढेल तसं शरीर निष्क्रिय ठेवण्यापेक्षा आपल्या क्षमतेनुसार ॲक्टिव्ह राहणं कधीही चांगलं, असं त्या सांगतात.

साधा आणि संतुलित आहार

हेमा मालिनी अनेक वर्षांपासून पूर्णपणे शाकाहारी आहार घेतात. त्या रोजच्या जेवणात इडली, डोसा, उत्तप्पा आणि उपमा यांसारख्या साध्या दाक्षिणात्य पदार्थांचा समावेश करतात. त्या जास्त तेलकट आणि तळलेले पदार्थ अजिबात खात नाहीत. हा साधा आहार त्यांच्या फिटनेसचा सर्वात मोठा भाग आहे. 'ड्रीम गर्ल' रिफाइंड साखरेऐवजी गूळ किंवा मधाचा वापर करतात.

उपवास आणि हलका आहार

हेमा मालिनी यांच्या रुटीनमध्ये उपवासालाही खूप महत्त्व आहे. त्या दर सोमवारी आणि शुक्रवारी न चुकता उपवास करतात. उपवासाच्या दिवशी त्या ताजी फळे, नारळपाणी, भाज्यांचा रस आणि पनीर खातात. पण लक्षात ठेवा, उपवास प्रत्येकालाच मानवेल असं नाही. विशेषतः वाढत्या वयात जास्त वेळ उपाशी राहण्यापूर्वी तुम्ही तुमच्या शरीराची गरज समजून घेतली पाहिजे.

सातत्य हेच आहे खरं सिक्रेट

हेमा मालिनी यांच्या जीवनशैलीतून तुम्ही एक मोठी गोष्ट नक्कीच शिकू शकता. फक्त एक दिवस प्रयत्न करून तुम्ही फिट राहू शकत नाही. योगा, डान्स, संतुलित आहार आणि स्वतःची काळजी घेणं, या गोष्टींची तुम्हाला सवय लावून घ्यावी लागेल. प्रत्येकाचं शरीर वेगळं असतं. त्यामुळे सेलिब्रिटींची कॉपी करण्यापेक्षा तुमच्या वयाला आणि आरोग्याला साजेसा आहार तुम्ही निवडला पाहिजे.