Entertainment: मी रोज 'चीट डे' करतो म्हणणारा सलमान 60 व्या वर्षी इतका फिट कसा?

Entertainment: वयाच्या 60 व्या वर्षीही अभिनेता सलमान खान त्याच्या फिटनेसमुळे नेहमी चर्चेत असतो. फिटनेससाठी 20% वर्कआऊट आणि 80% डाएट गरजेचं असतं, असं म्हणतात. पण सलमान खान मात्र रोज 'चीट' करतो, असं त्यानंच सांगितलंय.

मी रोज चीट मील घेतो

सलमान खान म्हणाला, "माझ्यासाठी रोजच चीट मील असतं. मी जिममध्ये 20 मिनिटं किंवा एक तास जास्त वर्कआऊट करायला तयार आहे. पण मला जे खायचं आहे, ते मी खातो. मी उकडलेलं अन्न खात नाही."

मी आवश्यक तेवढं प्रोटीन खातो!

तो पुढे म्हणाला, "माझ्या शरीराला जेवढं प्रोटीन हवं, तेवढं मी खातो. जेवण कितीही चविष्ट असो, मी फक्त एक चमचा भात खातो. मी पोळ्यांना हात लावत नाही. मी हेच पथ्य पाळतो. त्या एका चमचा भातासोबत, मला हवं तेवढं प्रोटीन मी खातो."

कडक डाएटपेक्षा डाएटमध्ये सातत्य ठेवणं जास्त महत्त्वाचं

यावरून एक गोष्ट स्पष्ट होते की, रोज कडक डाएट करण्यापेक्षा, डाएटमध्ये सातत्य ठेवणं जास्त महत्त्वाचं आहे. सलमानच्या फिटनेसचं हेच रहस्य दिसतंय.

डॉक्टरांच्या सल्ल्यानुसार डाएट करा

प्रत्येकालाच सलमान खानसारखं वर्कआऊट किंवा डाएट करणं शक्य होईलच असं नाही. त्यामुळे डॉक्टरांच्या सल्ल्यानुसार डाएट करावं. पण ते फक्त एका दिवसापुरतं मर्यादित न ठेवता, त्यात सातत्य ठेवणं गरजेचं आहे.