रणवीर सिंह ते अक्षय खन्ना! Dhurandhar मधील 5 स्टार्सचे फर्स्ट-लुक पोस्टर व्हायरल, वाचा त्यांच्या भूमिका!

Dhurandhar Movie Ranveer Singh Akshaye Khanna First Look : रणवीर सिंगचा २०२५ मध्ये येणारा 'धुरंधर' हा चित्रपट वर्षातील बहुप्रतिक्षित चित्रपटांपैकी एक बनला आहे. या स्टार-स्टडेड चित्रपटातील मुख्य कलाकारांचे फर्स्ट लूक समोर आले आहेत.

रणवीर सिंह

आदित्य धरच्या या स्पाय ॲक्शन ड्रामामध्ये रणवीर सिंह मुख्य भूमिकेत आहे. तो अनेक चेहरे असलेल्या एका गुप्तहेराची भूमिका साकारत आहे. त्याच्या फर्स्ट लूक पोस्टरवर लिहिले आहे, "मी आहे... देवाचा प्रकोप." ट्रेलर मंगळवारी दुपारी १२:१२ वाजता प्रदर्शित होईल.

अर्जुन रामपाल

अर्जुन रामपाल या चित्रपटात खलनायकाच्या भूमिकेत दिसणार आहे. त्याचा फर्स्ट लूक शेअर करताना, निर्मात्यांनी त्याला 'मृत्यूचा देवदूत' म्हटले आहे. तथापि, त्याच्या पात्राचे नाव अद्याप उघड झालेले नाही.

आर. माधवन

'धुरंधर'मधील आर. माधवनचा फर्स्ट लूक पाहता, तो अजित डोवाल यांच्यापासून प्रेरित पात्र साकारणार असल्याचे दिसते. निर्मात्यांनी त्याचे पोस्टर शेअर करताना कॅप्शनमध्ये 'कर्माचा सारथी' असे लिहिले होते.

संजय दत्त

संजय दत्त 'धुरंधर'मध्ये मुख्य खलनायक असेल. निर्मात्यांनी पोस्टरच्या कॅप्शनमध्ये त्याला 'जिन्न' म्हटले आहे. ट्रेलर प्रदर्शित झाल्यावर त्याच्या पात्राचे नाव उघड होईल.

अक्षय खन्ना

अक्षय खन्ना देखील 'धुरंधर'मध्ये खलनायकाच्या भूमिकेत दिसणार आहे. त्याचा जबरदस्त लूक नुकताच समोर आला आहे. निर्मात्यांनी 'द एपेक्स प्रिडेटर' या कॅप्शनसह पोस्टर शेअर केले आहे.

'धुरंधर'ची हिरोईन?

सारा अर्जुन 'धुरंधर'मध्ये मुख्य नायिका आहे. १९-२० वर्षांची सारा अभिनेता राज अर्जुनची मुलगी आहे. तिच्या पदार्पणाच्या चित्रपटात, ती तिच्यापेक्षा २१ वर्षांनी मोठ्या असलेल्या रणवीर सिंगसोबत रोमान्स करणार आहे.