Anasuya Sengupta : सर्वोत्कृष्ठ अभिनेत्रीने पुरस्कार 'क्विअर कम्युनिटी'ला केला समर्पित

'द शेमलेस' चित्रपटासाठी अनसूयाला सर्वोत्कृष्ट अभिनेत्रीचा पुरस्कार मिळाला आहे. त्यांनी आपला पुरस्कार 'क्विअर कम्युनिटी'ला समर्पित केला आहे. 

77 व्या कान फिल्म फेस्टिव्हल भारतीय सिनेप्रेमींसाठी खूप आनंद घेऊन आला आहे. भारतीय चित्रपट निर्मात्यांच्या कार्याचे महोत्सवात कौतुक तर झालेच, पण त्यांना पुरस्कारांनीही गौरविण्यात आले आहे. पायल कपाडियाच्या 'ऑल वुई इमॅजिन ॲज लाइट' या चित्रपटाने ग्रँड प्रिक्स जिंकल्यानंतर आणि अनसूया सेनगुप्ताला सर्वोत्कृष्ट अभिनेत्रीचा किताब मिळाल्यानंतर कलाकारांच्या जगात जल्लोषाचे वातावरण आहे. पुरस्कार जिंकणारी अनसूया सेनगुप्ता पहिली भारतीय अभिनेत्री ठरली आहे.

अनसूया यांनी ज्युरींचे मानले आभार :

जगभरातून अभिनय क्षेत्रात पदार्पण केल्यानंतर अनसूया सेनगुप्ता खूप उत्साहित आहे. नुकत्याच झालेल्या एका मुलाखतीत तिने आपल्या यशाबद्दल सांगितले. अनसूया म्हणाली की, तिच्या मेहनतीचे कौतुक केल्याबद्दल ती ज्युरींची खूप आभारी आहे.असे काही घडत आहे यावर माझा विश्वासच बसत नसल्याचे त्यांनी सांगितले. मी स्टेजकडे स्तब्ध झाले कारण मी ज्या कलाकारांची प्रशंसा केली ते त्याठिकाणी उपस्थित होते. त्यामुळे हा प्रवास माझ्यासाठी थक्क करणार आहे.

'क्विअर कम्युनिटी'ला समर्पित केला पुरस्कार :

अनसूयाला देशभरातून अभिनंदनाचे संदेश आणि प्रेम मिळत आहे. याविषयी बोलताना ती म्हणाला की, मला इतक्या लोकांकडून मिळत असलेले प्रेम पाहून मी थक्क झाले आहे. सर्वांना अभिमान वाटणे ही माझ्यासाठीही अभिमानाची बाब आहे. संवादादरम्यान त्यांनी आपला पुरस्कार 'क्विअर कम्युनिटी'ला समर्पित करत असल्याचे सांगितले. हा पुरस्कार मिळवणारी अनसूया ही पहिली भारतीय अभिनेत्री आहे.

या चित्रपटासाठी पुरस्कार मिळाला : 

अनसूयाला 'द शेमलेस' चित्रपटासाठी अन सरटेन रिगार्ड विभागात सर्वोत्कृष्ट अभिनेत्रीचा पुरस्कार मिळाला आहे. या चित्रपटाचे दिग्दर्शन बल्गेरियन चित्रपट निर्माते कॉन्स्टँटिन बोजानोव यांनी केले आहे. रणवीर सिंग, भूमी पेडणेकर, हुमा कुरेशी, आलिया भट्ट, कियारा अडवाणी आणि अर्जुन कपूर यांच्यासह अनेक अभिनेत्यांनी तिचा यशाबद्दल आनंद व्यक्त केला आणि अभिनंदन केले आहे.

आणखी वाचा :