Birthday SPL : मराठी ग्लॅमगर्ल ओटीटी क्वीनचे 7 हिट चित्रपट आणि वेब सिरीज

राधिका आपटेने ओटीटी क्वीन म्हणून आपली ओळख निर्माण केली आहे. त्यांनी अनेक हिट चित्रपट आणि वेब सिरीजमध्ये काम केले आहे. चला तर मग जाणून घेऊयात कुठे पाहू शकता हे सर्व.

मुंबई - बॉलिवूड अभिनेत्री राधिका आपटे ७ सप्टेंबर रोजी आपला ३९ वा वाढदिवस साजरा करत आहेत. त्यांनी २००५ मध्ये आलेल्या 'वाह! लाइफ हो तो ऐसी' या चित्रपटातून आपल्या करिअरची सुरुवात केली. मात्र, त्यांना खरी ओळख बंगाली चित्रपट 'अंतहीन' पासून मिळाली. त्यानंतर राधिकाने अनेक सुपरहिट चित्रपटांमध्ये काम केले. राधिका यांना ओटीटी क्वीन देखील म्हटले जाते. चला तर मग जाणून घेऊया त्यांच्या काही बेस्ट ओटीटी चित्रपटांबद्दल..

कृति
शॉर्ट फिल्म 'कृति' २०१६ मध्ये प्रदर्शित झाली होती. यामध्ये राधिका आपटेसह नेहा शर्मा आणि मनोज बाजपेयी मुख्य भूमिकेत आहेत. सस्पेन्स आणि थरारने भरलेला हा चित्रपट तुम्ही यूट्यूबवर पाहू शकता.

दैट डे आफ्टर एवरीडे
अनुराग कश्यप दिग्दर्शित, नितिन भारद्वाज लिखित 'दैट डे आफ्टर एवरीडे' ही हिंदी शॉर्ट फिल्म आहे. यात संध्या मृदुल, राधिका आप्टे, गीतांजलि थापा आणि अरण्या कौर यांच्या प्रमुख भूमिका आहेत. ही कथा मध्यमवर्गीय कुटुंबातील आणि घरासाठी बाहेर काम करणाऱ्या महिलांवर आधारित आहे. २०१४ मध्ये आलेला हा चित्रपट तुम्ही यूट्यूबवर पाहू शकता.

सेक्रेड गेम्स
राधिका आपटेने नेटफ्लिक्स सीरीज 'सेक्रेड गेम्स' मध्ये अंजली माथुरची भूमिका साकारली आहे, जी एक रॉ एजंट आहे. ही नेटफ्लिक्सची भारतातील पहिली सीरीज होती. यात राधिकाच्या कामाचे खूप कौतुक झाले होते.

घूल
२०१८ मध्ये आलेल्या हॉरर वेब सीरीज 'घूल' मध्ये राधिका आपटे मुख्य भूमिकेत दिसल्या होत्या. ही सीरीज तुम्ही नेटफ्लिक्सवर पाहू शकता. ही नेटफ्लिक्सची पहिली भारतीय हॉरर वेब सीरीज होती. यात राधिकाच्या अभिनयाचे खूप कौतुक झाले.

लस्ट स्टोरीज
'लस्ट स्टोरीज' मध्ये विकी कौशल, भूमि पेडणेकर आणि राधिका आपटे मुख्य भूमिकेत होते. ही सीरीज तुम्ही नेटफ्लिक्सवर पाहू शकता.

मिसेज अंडरकवर
२०२३ मध्ये प्रदर्शित झालेला 'मिसेज अंडरकवर' हा चित्रपट तुम्ही ओटीटी प्लॅटफॉर्म झी५ वर पाहू शकता. यात राधिका आपटे मुख्य भूमिकेत दिसल्या होत्या.

मेड इन हेवन
वेब सीरीज 'मेड इन हेवन' मध्ये राधिका आप्टे मुख्य भूमिकेत दिसल्या होत्या. ही तुम्ही अमेझॉन प्राइम व्हिडिओवर पाहू शकता.