आयुष्मान खुरानाचा 'थामा' चित्रपटाचा दुसरा शेड्यूल दिल्लीत सुरू

आयुष्मान खुराना 'ब्लडी लव्ह स्टोरी' थामाच्या दुसऱ्या शेड्यूलसाठी दिल्लीत दाखल झाला आहे. चित्रपटात रश्मिका मंदाना, परेश रावल आणि नवाजुद्दीन सिद्दीकी देखील आहेत. २०२५ मध्ये आयुष्मानचे अनेक चित्रपट प्रदर्शित होणार आहेत.

नवीन वर्षाची सुरुवात होताच आयुष्मान खुरानाने 2025 साठी व्यस्त आणि आशादायक वर्षाचा माहोल निर्माण केला आहे. तो त्यांच्या बहुप्रतिक्षित 'ब्लडी लव्ह स्टोरी' थामा च्या दुसऱ्या शेड्यूलसाठी दिल्लीला रवाना झाले आहेत. मॅडॉक फिल्म्सच्या ब्लॉकबस्टर हॉरर कॉमेडी युनिव्हर्समधील या चित्रपटाचा छोटा शेड्यूल मागील वर्षी मुंबईत पूर्ण झाला होता. आता या आठवड्यापासून राजधानी दिल्लीमध्ये काही रोमांचक सीन्स शूट केले जाणार आहेत, ज्याची शूटिंग जानेवारीच्या फर्स्ट हॉफ पर्यंत चालणार आहे.

थामा ही एक आकर्षक प्रेमकथा आहे, जी एका रक्तरंजित पार्श्वभूमीवर आधारित आहे. चित्रपटात आयुष्मान खुराना आणि रश्मिका मंदाना मुख्य भूमिकेत आहेत, तर परेश रावल आणि नवाजुद्दीन सिद्दीकी महत्त्वाच्या भूमिकेत आहेत. या चित्रपटाचे दिग्दर्शन ब्लॉकबस्टर मुंजा फेम आदित्य सर्पोतदार यांनी केले आहे. निरेन भट्ट, सुरेश मॅथ्यू आणि अरुण फुलारा यांनी कथा लिहिली असून, दिनेश विजन आणि अमर कौशिक यांनी या चित्रपटाची निर्मिती केली आहे.

2025 हे आयुष्मान खुरानासाठी खूप व्यस्त असणार आहे. थामा या दिवाळीच्या सणानिमित्त प्रदर्शित होणार आहे. याशिवाय, धर्मा आणि सिख्या प्रोडक्शन्सच्या अंतर्गत बनत असलेला एक अनटाइटल्ड अ‍ॅक्शन थ्रिलरमध्येही तो झळकणार आहे. एवढंच नाही, तर आयुष्मान लवकरच दोन नवीन प्रकल्पांना सुरुवात करणार आहेत. एक सूरज बडजात्या यांच्या दिग्दर्शनाखाली एक हृदयस्पर्शी कौटुंबिक कथा, आणि दुसरी यशराज फिल्म्स व पोषम पा पिक्चर्सच्या सहकार्याने तयार होणारी रोमांचक थिएट्रिकल, ज्याचं दिग्दर्शन समीर सक्सेना करतील.

आयुष्मान खुरानाची समर्पण भावना आणि विविधतापूर्ण चित्रपट निवड पुन्हा एकदा सिद्ध करते की तो बॉलिवूडमधील सर्वांत बहुप्रतिक्षित आणि बहुगुणी सुपरस्टार्सपैकी एक आहे. 2025 हे निश्चितच त्याच्या चाहत्यांसाठी आणि इंडस्ट्रीसाठी लक्षवेधी वर्ष ठरणार आहे.