Ganesh Visarjan : अनंत अंबानी आणि राधिका मर्चंटचा बाप्पाच्या विसर्जनाला भन्नाट डान्स
सार
मुंबईत अंबानी कुटुंबाने मोठ्या थाटामाटात बाप्पाला निरोप दिला. गिरगाव चौपाटीवर झालेल्या या विसर्जन मिरवणुकीत अनंत अंबानी आणि राधिका मर्चंट बाप्पाच्या भक्तीत तल्लीन होऊन डान्स करताना दिसले.
मुंबई : मुंबईत अंबानी कुटुंबाने गणपती बाप्पाला अत्यंत भावपूर्ण वातावरणात निरोप दिला. या विसर्जन मिरवणुकीत भक्ती, रंग, संगीत आणि डान्सचा अनोखा संगम पाहायला मिळाला.
#WATCH | रिलायन्स इंडस्ट्रीजचे कार्यकारी संचालक आणि वनताराचे संस्थापक अनंत अंबानी आणि त्यांची पत्नी राधिका मर्चंट हे महाराष्ट्रातील मुंबईत गिरगाव चौपाटीवर गणपती विसर्जनाला उपस्थित होते. pic.twitter.com/cqYwEYqU7q — ANI (@ANI) September 16, 2026
बुधवारी मध्यरात्री नीता अंबानी, अनंत अंबानी आणि राधिका मर्चंट यांच्यासह अंबानी कुटुंबातील सदस्य बाप्पाच्या विसर्जनासाठी बाहेर पडले. गणेश चतुर्थीला त्यांनी बाप्पाची घरी स्थापना केली होती. सोशल मीडियावर सध्या काही व्हिडिओ व्हायरल होत आहेत. यात राधिका आणि अनंत बाप्पाला निरोप देताना मनसोक्त डान्स करताना दिसत आहेत. बाप्पाच्या मूर्तीचं विसर्जन करण्यासाठी नेताना संपूर्ण कुटुंब मोठ्या उत्साहात आणि भक्तीभावाने यात सहभागी झालं होतं.
अँटिलियामध्ये सेलिब्रिटींची मांदियाळी
गणेश चतुर्थीच्या पहिल्याच दिवशी अंबानी कुटुंबाने मुंबईतील त्यांच्या 'अँटिलिया' या निवासस्थानी एक मोठा कार्यक्रम आयोजित केला होता. यात त्यांचे कुटुंबीय, मित्र आणि उद्योग क्षेत्रातील अनेक दिग्गज उपस्थित होते. या कार्यक्रमाला बॉलिवूडच्या अनेक बड्या स्टार्सनी हजेरी लावली. सैफ अली खान आणि करीना कपूर, रणबीर कपूर आणि आलिया भट्ट, रणवीर सिंग, सलमान खान, जान्हवी कपूर, खुशी कपूर, अर्जुन कपूर, माधुरी दीक्षित आणि तिचे पती श्रीराम नेने, कतरिना कैफ आणि विकी कौशल, दिशा पटानी, क्रिती सेनॉन, करण जोहर, काजोल, बोमन इराणी, अनिल कपूर, संजय दत्त, जॅकी श्रॉफ, रेखा, सिद्धार्थ मल्होत्रा आणि कियारा अडवाणी, वरुण धवन आणि त्याची पत्नी नताशा दलाल, तसेच रितेश देशमुख आणि जेनेलिया डिसूझा यांसारखे अनेक सेलिब्रिटी अंबानींच्या या उत्सवात सहभागी झाले होते.
गणेश चतुर्थीचं महत्त्व
गणेश चतुर्थी हा सण गणपती बाप्पाचा जन्मदिवस म्हणून मोठ्या उत्साहात साजरा केला जातो. या काळात बाप्पाच्या मूर्तीची स्थापना करून पूजा, आरती आणि विविध कार्यक्रम केले जातात. बुद्धी, समृद्धी आणि विघ्नहर्ता म्हणून ओळखल्या जाणाऱ्या गणपती बाप्पाची भाविक या काळात मनोभावे पूजा करतात. या सणाची सांगता गणेश विसर्जनाने होते. यावेळी बाप्पाच्या मूर्तीचं मंत्रोच्चार आणि जल्लोषात पाण्यात विसर्जन केलं जातं.