Amitabh Bachchan Birthday : अमिताभ बच्चन 83 वर्षांचे होणार आहेत. त्यांचा जन्म 11 ऑक्टोबर 1942 रोजी प्रयागराजमध्ये झाला. सिनेमात येण्यापूर्वी ते कोलकात्यात नोकरी करत होते. त्यांना पहिला सिनेमा कसा मिळाला, याबद्दल जाणून घेऊया.
अमिताभ बच्चन यांनी 1969 मध्ये आलेल्या 'सात हिंदुस्तानी' सिनेमातून अभिनयाच्या जगात पाऊल ठेवलं. या सिनेमाचे लेखक-दिग्दर्शक आणि निर्माते ख्वाजा अहमद अब्बास होते. जे. पी. कौशिक यांनी संगीत दिलं होतं.
26
अमिताभ बच्चन यांनी कोणत्या वयात पदार्पण केलं?
शिक्षण पूर्ण झाल्यावर अमिताभ बच्चन कोलकात्यात 'बर्ड अँड कंपनी'मध्ये बिझनेस एक्झिक्युटिव्ह म्हणून काम करत होते. अभिनयाची आवड असल्याने शिफ्ट संपल्यावर ते थिएटर करायचे. बिग बींनी वयाच्या 27 व्या वर्षी बॉलिवूडमध्ये पदार्पण केलं.
36
अमिताभ बच्चन यांना पहिला सिनेमा कसा मिळाला?
अमिताभ बच्चन यांना 'सात हिंदुस्तानी' हा पहिला सिनेमा टिनू आनंदमुळे मिळाला. त्यांनीच ख्वाजा अहमद अब्बास यांना बिग बींना सिनेमात घेण्यासाठी सांगितलं होतं. पोर्तुगीज राजवटीतून गोवा मुक्त करणाऱ्या सात भारतीयांच्या शौर्याची ही कथा होती. यात मधू, उत्पल दत्त, जलाल आगा, अन्वर अली, मधुकर आणि शहनाज मुख्य भूमिकेत होते.
'सात हिंदुस्तानी' सिनेमासाठी अमिताभ बच्चन यांना 5000 रुपये फी मिळाली होती. सिनेमात त्यांच्या भूमिकेचं नाव अन्वर अली होतं. त्या काळात या सिनेमाने बॉक्स ऑफिसवर 8.10 लाखांची कमाई केली होती.
56
अमिताभ बच्चन यांचा पहिला सिनेमा ठरला फ्लॉप
अमिताभ बच्चन यांचा पहिला सिनेमा 'सात हिंदुस्तानी' बॉक्स ऑफिसवर फ्लॉप ठरला होता. पण यानंतर त्यांना सिनेमे मिळू लागले. पहिल्या सिनेमानंतर बिग बी 'आनंद', 'प्यार की कहानी', 'परवाना', 'रेश्मा और शेरा', 'संजोग', 'एक नजर', 'बंसी बिरजू' यांसारख्या सिनेमांमध्ये दिसले.
66
अमिताभ बच्चन यांनी किती सिनेमांमध्ये काम केलं?
अमिताभ बच्चन यांनी 56 वर्षांच्या करिअरमध्ये जवळपास 200 सिनेमांमध्ये काम केलं. ते अनेक ब्लॉकबस्टर सिनेमांचा भाग होते. 'जंजीर' सिनेमानंतर त्यांना 'अँग्री यंग मॅन' म्हणून ओळख मिळाली. ते 80 वर्षांचे असूनही आजही सिनेमांमध्ये सक्रिय आहेत.
