ऐश्वर्य ठाकरेची बॉलिवूडमध्ये दिमाखदार एन्ट्री, आता राजकारणासह बॉलिवूडवरही ठाकरेंची छाप

Aaishvary Thackeray Entry in Bollywood : शिवसेनाप्रमुख बाळासाहेब ठाकरे यांचा नातू ऐश्वर्य ठाकरे याने बॉलिवूडमध्ये अखेर पदार्पण केले आहे. ऐश्वर्यला राजकरणात रस नसून त्याने याआधीही संजय लीला भंन्साळींच्या सिनेमात सहाय्यक दिग्दर्शकाचे काम केलेय. 

Aaishvary Thackeray Entry in Bollywood : शिवसेनाप्रमुख बाळासाहेब ठाकरे यांचा नातू आणि दिवंगत जयदेव ठाकरे यांचा मुलगा, ऐश्वर्य ठाकरे आता बॉलिवूडमध्ये अभिनेता म्हणून पदार्पण करत आहे. 'निशांची' या आगामी चित्रपटातून तो आपल्या अभिनयाच्या कारकिर्दीला सुरुवात करतो आहे. अनुराग कश्यप दिग्दर्शित हा चित्रपट एक रॉ आणि ग्रिटी क्राईम ड्रामा असून, त्यात ऐश्वर्यचा दमदार अभिनय पाहायला मिळणार आहे. 

‘निशांची’ सिनेमा कथा

अ‍ॅमेझॉन एमजीएम स्टुडिओज प्रस्तुत आणि जार पिक्चर्स व फ्लिप फिल्म्स निर्मित 'निशांची' हा चित्रपट दोन भावांच्या गुंतागुंतीच्या आयुष्याची कथा सांगतो. त्यांच्या निर्णयांमुळे त्यांच्या आयुष्याला कोणती वळणं मिळतात, यावर हा चित्रपट भाष्य करतो. गुन्हा आणि शिक्षा यामधील सूक्ष्म रेषा प्रभावीपणे अधोरेखित करणाऱ्या या चित्रपटात वेदिका पिंटो, मोनिका पवार, मोहम्मद झीशान अय्यूब आणि कुमुद मिश्रा यांच्यासारखे कसलेले कलाकार महत्त्वाच्या भूमिकांमध्ये झळकणार आहेत.

प्रेक्षकांमध्ये उत्सुकता

चित्रपटाचा अनाउन्समेंट व्हिडीओ प्रदर्शित होताच सोशल मीडियावर प्रचंड उत्साहाचे वातावरण निर्माण झाले आहे. प्रेक्षकांनी कमेंट सेक्शनमध्ये चित्रपटाच्या प्रती उत्सुकता आणि कौतुक व्यक्त केलं आहे. ‘निशांची’ चित्रपटाच्या निमित्ताने ऐश्वर्य ठाकरे बॉलिवूडमध्ये नव्या प्रवासाची सुरुवात करत असून, अभिनयाकडे असलेली त्याची ओढ या चित्रपटातून स्पष्टपणे दिसून येते. याशिवाय सिनेमा कधी रिलीज होणार याबद्दलची अधिकृत तारीख देखील अद्याप जाहीर करण्यात आलेली नाही.

राजकरणात रस नाही, पण…

 ऐश्वर्यला राजकारणात रस नसून त्याने संजय लीला भन्साळींच्या 'बाजीराव मस्तानी' चित्रपटात सहाय्यक दिग्दर्शक म्हणून काम केलं होतं. आता ‘निशांची’द्वारे तो एका मुख्य भूमिकेत झळकणार असून, त्याच्या पदार्पणाबाबत प्रेक्षकांमध्ये मोठी उत्सुकता निर्माण झाली आहे.

ठाकरे परिवारातील सदस्य काय करतात? 

बाळासाहेब ठाकरे : शिवसेना पक्षाचे संस्थापक आणि महाराष्ट्रातील प्रभावी हिंदुत्ववादी नेते होते. व्यंगचित्रकार म्हणून करिअरला सुरुवात केली होती.

उद्धव ठाकरे : बाळासाहेबांचे कनिष्ठ पुत्र, शिवसेना (उद्धव गट) चे प्रमुख आणि महाराष्ट्राचे माजी मुख्यमंत्री (2019-2022) आहेत.

रश्मी ठाकरे : उद्धव ठाकरे यांच्या पत्नी; 'सामना' आणि 'मातोश्री' या शिवसेनेच्या मुखपत्रांच्या संपादनाशी जोडल्या गेल्या आहेत. 

आदित्य ठाकरे : उद्धव ठाकरे यांचा मुलगा, युवानेते आणि माजी पर्यावरण मंत्री; युवासेना या पक्षाच्या युवा शाखेचे नेतृत्व करतो.

जयदेव ठाकरे : बाळासाहेबांचे ज्येष्ठ पुत्र, राजकारणापासून दूर राहिले असून फारशा सार्वजनिक जीवनात सक्रिय नाहीत.

स्मिता ठाकरे : जयदेव ठाकरे यांची माजी पत्नी, समाजसेविका आणि चित्रपट निर्माती म्हणून काम करत आहेत.

ऐश्वर्य ठाकरे : जयदेव आणि स्मिता ठाकरे यांचा मुलगा; सध्या बॉलिवूडमध्ये 'निशांची' या चित्रपटातून अभिनेता म्हणून पदार्पण करत आहे.

(राहा अपडेट, राहा जगाच्या पुढे. सातत्याने अपडेट होणाऱ्या आमच्या फेसबुक आणि एक्स (ट्विटर) पेजला सबक्राईब करुन ताज्या घडामोडी जाणून घ्या.)

आमच्या एशियानेट न्यूज मराठीच्या फेसबुक पेजला सबस्क्राईब करा. त्यासाठी येथे क्लिक करा.

आमच्या एशियानेट न्यूज मराठीच्या एक्स (ट्विटर) पेजला सबस्क्राईब करा. त्यासाठी येथे क्लिक करा.