Kakkanad Drug Case: ६ महिने पोलिसांना गुंगारा देणारी महिला अखेर गजाआड

थ्रिक्काकरा पोलिसांनी काक्कनाड ड्रग्ज प्रकरणात ६ महिने फरार असलेल्या नीतू या दुसऱ्या आरोपीला अटक केली आहे. तिरुवल्ला येथील एका भाड्याच्या घरातून तिला बेड्या ठोकण्यात आल्या. या प्रकरणात १८१ ग्रॅम एमडीएमए आणि ९० ग्रॅम एक्स्टसी गोळ्या जप्त झाल्या होत्या.

कोची: काक्कनाड ड्रग्ज तस्करी प्रकरणात तब्बल सहा महिने पोलिसांना गुंगारा देणारी दुसरी आरोपी अखेर पोलिसांच्या जाळ्यात अडकली आहे. थ्रिक्काकरा पोलिसांनी पठाणमथिट्टा येथील मुथूर मुळक्कल घरात राहणाऱ्या ३८ वर्षीय नीतूला तिरुवल्ला येथून अटक केली. १८१ ग्रॅम एमडीएमए आणि ९० ग्रॅम एक्स्टसी गोळ्या जप्त केल्याप्रकरणी ही कारवाई करण्यात आली आहे.

या प्रकरणातील मुख्य आरोपी केविन बी मॅथ्यू याला पोलिसांनी १८ एप्रिल रोजीच अटक केली होती. त्याच्या अटकेनंतर दुसरा आणि तिसरा आरोपी फरार झाले होते. तपास पथकाने १ ऑक्टोबर रोजी तिसरा आरोपी विष्णू याला बेड्या ठोकल्या. त्यानंतर नीतूचा शोध अधिक तीव्र करण्यात आला होता.

पोलीस तपासात समोर आलंय की, नीतू तमिळनाडू आणि केरळच्या वेगवेगळ्या भागात आपली लपण्याची ठिकाणे सतत बदलत होती. अनेक महिन्यांच्या तपासानंतर, नीतू तिरुवल्ला येथे एक घर भाड्याने घेऊन गुपचूप राहत असल्याची पक्की माहिती पोलिसांना मिळाली. या माहितीच्या आधारे सापळा रचून तिला अटक करण्यात आली. कोर्टात हजर केल्यानंतर तिची रवानगी न्यायालयीन कोठडीत (रिमांड) करण्यात आली आहे.