Hyderabad Accident: भरधाव फॉर्च्युनरची i10 कारला धडक, थरारक सीसीटीव्ही व्हिडीओ व्हायरल
सार
हैदराबाद-वारंगल नॅशनल हायवेवर एका दारूच्या नशेत असलेल्या तरुणाने भरधाव टोयोटा फॉर्च्युनर चालवत ह्युंदाई i10 कारला जोरदार धडक दिली. यात एक जोडपं जखमी झालं आहे. धडकेनंतर फॉर्च्युनर थेट विजेच्या खांबावर आदळली. तपासात चालकाकडे लायसन्स नसल्याचं आणि गाडीवर बोगस नंबर प्लेट असल्याचं उघड झालं आहे. पोलिसांनी चालक आणि गाडी मालकावर गुन्हा दाखल केला आहे.
गुरुवारी सकाळी ७ च्या सुमारास हैदराबाद-वारंगल नॅशनल हायवेवरील पीरजादीगुडा इथं एक भयंकर अपघात झाला. एका भरधाव टोयोटा फॉर्च्युनरने मागून येऊन i10 कारला जोरदार धडक दिली. मेडीपल्लीतील उप्पल-नारापल्ली एलिव्हेटेड कॉरिडॉरच्या पिलर नंबर ५७ जवळ हा अपघात झाला. यात दोन जण जखमी झाले आहेत.
या धडकेमुळे i10 कार रस्त्यावर अनेकदा गोल फिरली आणि थेट डिव्हायडरला जाऊन आदळली. त्यानंतर फॉर्च्युनर गाडी एका विजेच्या खांबाला धडकली. हा खांब तुटून थेट गाडीवरच पडला.
मेडीपल्ली पोलिसांनी दिलेल्या माहितीनुसार, साई शिवा (३०) आणि त्यांची पत्नी मेघना (२८) हे दोघे i10 कारमधून एलबी नगरहून वारंगल जिल्ह्यातील नरसमपेटला चालले होते. त्याचवेळी मागून आलेल्या फॉर्च्युनरने त्यांच्या कारला उडवलं. जखमी जोडप्याला उपचारासाठी चैतन्यपुरी येथील ओझोन रुग्णालयात दाखल करण्यात आलं आहे. या संपूर्ण अपघाताचा थरार जवळच्या सीसीटीव्ही कॅमेऱ्यात कैद झाला आहे.
पाहा व्हायरल व्हिडीओ
Drunk teen’s fortuner rams car in Medipally, two injured
Two people were injured after a Toyota Fortuner rammed into a Hyundai i10 near Peerzadiguda on the Hyderabad–Warangal National Highway around 6.30 am on Thursday.
The accident occurred near an HP petrol bunk close to pillar number 57 of the Uppal–Narapally elevated corridor, under Medipally police station limits in Medchal-Malkajgiri district.
Reportedly, the Fortuner driver was under the influence of alcohol and driving at high speed when he hit the i10 from behind, causing it to overturn. The SUV then went out of control and hit an electric pole. The pole broke and fell on the Fortuner. CCTV cameras recorded the incident.
The i10 occupants, Sai Shiva, 30, and his wife Meghana, 28, were travelling from LB Nagar to Narsampet in Warangal district. Both sustained injuries and were shifted to Ozone Hospital in Chaitanyapuri for treatment. No fatalities were reported.
Police identified the Fortuner driver as Akun Sabharwal, an intermediate student, and took him into custody for questioning. Police also reportedly found that the SUV had a fake number plate and that the driver did not have a driving licence.
A case was registered against the vehicle owner, Mangilal, as well, police said.
#Hyderabad #Accident #Telangana
— Sudhakar Udumula (@sudhakarudumula) October 22, 2026
पोलिसांनी तपासाअंती फॉर्च्युनर चालकाची ओळख पटवली आहे. अकुन सभरवाल (२९) असं या चालकाचं नाव आहे. अकुन दारूच्या नशेत गाडी चालवत होता आणि त्याच्याकडे ड्रायव्हिंग लायसन्सही नव्हतं, असा आरोप आहे. धक्कादायक म्हणजे, या गाडीवर बोगस नंबर प्लेट लावल्याचंही समोर आलं आहे.
ड्रायव्हिंग लायसन्स नसतानाही गाडी चालवायला दिल्याप्रकरणी मेडीपल्ली पोलिसांनी चालक अकुन आणि गाडीचा मालक मांगीलाल या दोघांवरही गुन्हा दाखल केला आहे. सध्या या प्रकरणाचा पुढील तपास सुरू आहे.