Uttan Viral Video: पोलिसांसमोरच 'मी इथला बॉस' म्हणत शिवीगाळ; व्हिडिओ व्हायरल
सार
मीरा-भाईंदरच्या उत्तनमधील एक व्हिडिओ सध्या सोशल मीडियावर व्हायरल होतोय. 'अबरार भाई' नावाचा व्यक्ती यात पोलिसांसमोरच एकाला शिवीगाळ करताना दिसतोय. 'सकल हिंदू समाज मालाड'ने शेअर केलेल्या या व्हिडिओत त्याने हिंदूंना धमकावल्याचा आणि पंतप्रधान मोदींना शिव्या दिल्याचा दावा केलाय. पोलिसांच्या बघ्याच्या भूमिकेवर आता संताप व्यक्त होतोय.
मुंबईजवळील मीरा-भाईंदरच्या उत्तनमधला एक व्हायरल व्हिडिओ सध्या चर्चेचा विषय बनलाय. दारूच्या नशेत असलेला एक माणूस या व्हिडिओत भररस्त्यात एका व्यक्तीला शिवीगाळ आणि दमदाटी करताना दिसतोय. एक पोलीस कर्मचारी आणि पोलिसांची जीप तिथेच उभी असताना हा धक्कादायक प्रकार घडलाय. स्वतःला 'अबरार भाई' म्हणवून घेणारा हा माणूस व्हिडिओ काढणाऱ्याला घाणेरड्या शिव्या देतोय. पोलीस मात्र काहीच करत नसल्याने सोशल मीडियावर लोकांनी संताप व्यक्त केलाय.
'सकल हिंदू समाज मालाड' या पेजने इन्स्टाग्रामवर हा व्हिडिओ शेअर केलाय. या व्हिडिओला आतापर्यंत १ लाखांहून अधिक व्ह्यूज मिळाले आहेत. मीरा-भाईंदर, वसई-विरार (MBVV) पोलिसांच्या हद्दीत येणाऱ्या उत्तनमध्ये ही घटना घडल्याची माहिती कॅप्शनमध्ये दिलीय. या व्यक्तीने पंतप्रधान नरेंद्र मोदींना शिवीगाळ केल्याचा आणि हिंदू समाजातील लोकांना धमकावल्याचा आरोपही यात करण्यात आलाय.
हा माणूस व्हिडिओ रेकॉर्ड करणाऱ्या व्यक्तीवर सतत ओरडताना आणि शिव्या देताना या व्हिडिओमध्ये ऐकू येतोय. तो स्वतःची ओळख 'अबरार भाई' अशी करून देतोय आणि लोक आपल्याला 'बॉस' म्हणतात, अशी फुशारकीही मारतोय. समोर पोलीस उभे असूनही ते काहीच कारवाई करत नसल्याबद्दल व्हिडिओ काढणारा व्यक्ती संताप व्यक्त करताना दिसतोय.
"हा माणूस पोलिसांसमोर मला इतक्या घाणेरड्या शिव्या देतोय. पोलीस कर्मचारी आणि त्यांची गाडी इथेच उभी आहे, तरीही हा माझ्याशी असा बोलतोय," असं व्हिडिओ काढणारा व्यक्ती म्हणतोय. त्याने या माणसावर कडक कारवाई करण्याची मागणी केलीय.
बेकायदेशीर धंद्यांवर पोलिसांनी टाकलेल्या छाप्यादरम्यान हा प्रकार घडल्याचा दावाही या व्यक्तीने केलाय. पोलिसांच्या कारवाईमुळेच हा माणूस इतका आक्रमक झाल्याचं तो सांगतोय. पण, नक्की हा वाद कशामुळे सुरू झाला, हे फक्त व्हिडिओवरून स्पष्ट होऊ शकलेलं नाही.
पाहा व्हायरल व्हिडिओ
इन्स्टाग्रामवरील या पोस्टमध्ये त्या भागातील लोकसंख्येच्या प्रमाणाबाबतही काही दावे करण्यात आलेत. हा माणूस हिंदूंना धमकावत असल्याचंही यात म्हटलंय. पण, या दाव्यांना आणि आरोपांना अद्याप कोणत्याही अधिकृत सूत्रांकडून दुजोरा मिळालेला नाही. व्हिडिओत पोलिसांची गाडी आणि वर्दीतील कर्मचारी बघूनही कोणतीच कारवाई होत नसल्याने नेटकऱ्यांनी पोलिसांच्या भूमिकेवरच प्रश्नचिन्ह उभं केलंय.