Viral Video: पंजाबच्या पतियाळामध्ये भरधाव कारने टोल कर्मचाऱ्याला उडवले, बोनेटवरून फरफटत नेले
सार
पंजाबच्या पतियाळामध्ये एका भरधाव कारने टोल नाक्याचा बॅरियर तोडून एका कर्मचाऱ्याला जोरदार धडक दिली. या कारने त्याला बोनेटवरून काही मीटरपर्यंत फरफटत नेले. या घटनेत कर्मचारी गंभीर जखमी झाला असून त्याच्यावर रुग्णालयात उपचार सुरू आहेत. आरोपींना तात्काळ अटक न केल्यास तीव्र आंदोलन करण्याचा इशारा इतर टोल कर्मचाऱ्यांनी दिला आहे.
पंजाबच्या पतियाळामध्ये शनिवारी सकाळी एक धक्कादायक घटना घडली. एका भरधाव कारने टोल नाक्याचे बॅरियर तोडले आणि तिथे काम करणाऱ्या एका कर्मचाऱ्याला जोरदार धडक दिली. धडक दिल्यानंतर या कारने त्याला बोनेटवरून काही मीटरपर्यंत फरफटत नेले. या भयानक घटनेत कर्मचारी गंभीर जखमी झाला असून त्याला उपचारासाठी रुग्णालयात दाखल करण्यात आले आहे.
शनिवारी सकाळी घडलेला हा सगळा प्रकार तिथल्या सीसीटीव्ही कॅमेऱ्यात कैद झाला आहे. आता या घटनेचा व्हिडिओ सोशल मीडियावर वेगाने व्हायरल होत आहे. या व्हिडिओमध्ये स्पष्ट दिसतंय की, एक पांढऱ्या रंगाची कार टोल नाक्याकडे वेगाने येत असते आणि एक कर्मचारी तिला थांबवण्याचा प्रयत्न करतो. पण कारचा वेग कमी करण्याऐवजी ड्रायव्हर थेट त्या कर्मचाऱ्याला उडवतो. तो कर्मचारी बोनेटवर पडतो आणि कार त्याला तसंच पुढे फरफटत नेते.
या घटनेनंतर टोल नाक्यावरील इतर कर्मचाऱ्यांमध्ये प्रचंड संताप पाहायला मिळत आहे. आरोपींना लवकरात लवकर अटक केली नाही, तर रस्त्यावर उतरून आंदोलन करू, असा इशारा त्यांनी दिला आहे.
पाहा व्हायरल व्हिडिओ
⚠️ Video shows a speeding car breaking through a toll barrier in Patiala and dragging an employee on its bonnet 🚨
A white car reportedly rammed toll barriers on Saturday morning in Patiala, Punjab. The employee, who was trying to stop it, was hit and dragged for several metres.
He sustained serious injuries and is undergoing treatment in hospital.
Toll workers are demanding immediate arrests and have warned of protests and road blockades if action isn’t taken.
Toll staff work inches from moving traffic every day. Slow down at plazas, obey the barrier, and never treat a stop signal as optional 🛑
Share to keep them safe.
TollPlaza DriveSafe
— Abhishek Jalan (@AbhishekJalan26) October 25, 2026
सरकार आणि प्रशासनाला इशारा देताना कर्मचारी म्हणाले, "टोल कर्मचाऱ्यांवर होणारे असे जीवघेणे हल्ले आम्ही अजिबात खपवून घेणार नाही. जर या गुंडांना तात्काळ अटक केली नाही, तर आम्ही मोठ्या प्रमाणावर आंदोलन करू. येत्या काळात आम्ही रस्ते अडवून वाहतूक पूर्णपणे ठप्प करू, असा आमचा सरकार आणि प्रशासनाला स्पष्ट इशारा आहे."