नाशिक हादरलं; घटस्फोटित पोलिस कर्मचाऱ्यानं ६ वर्षांच्या मुलीचा गळा दाबून स्वतःही संपवले आयुष्य

नाशिकमध्ये एका पोलीस कर्मचाऱ्याने त्याच्याच मुलीचा जीव घेतल्याची धक्कादायक घटना समोर आली आहे. खरंतर, नवं घर दाखवण्याच्या बहाण्याने मुलीचे आयुष्य संपवल्याचे सांगितले जात आहे. 

Nashik Crime : नाशिकच्या जेलरोड येथील मॉडेल कॉलनीत बाप-लेक नात्याला काळिमा फासणारी घटना घडली आहे. स्वप्नील दीपक गायकवाड (पोलीस विभागातील अंमलदार) याने नवं घर दाखवण्याच्या बहाण्याने सहा वर्षांच्या मुलीला सोबत नेलं आणि तणावाच्या भरात तिचा गळा घोटून हत्या केली; तत्काळ स्वतःचाही गळफास घेऊन आयुष्य संपवलं.

स्वप्नीलचा पत्नीशी एक वर्षापूर्वी घटस्फोट झाला होता आणि मुलीची कस्टडी त्याच्याकडे होती. तो आईसोबत राहत होता. जुलैमध्ये अपघात होऊन त्याच्या डोक्याला-पायाला गंभीर दुखापत झाली; पायात रॉड बसविल्यामुळे चालणे कठीण झाले आणि मानसिक तणाव वाढला. नुकताच तो सहकाऱ्यांजवळ “मला काही झालं तर लेकीचं काय?” अशी चिंता व्यक्त करत रडला होता.

घटनेची माहिती मिळताच नाशिकरोड व उपनगर पोलीस ठाण्यांचे अधिकारी वरिष्ठ निरीक्षक जितेंद्र सपकाळे व जयंत शिरसाठ तत्काळ घटनास्थळी पोहोचले. पुढील तपास नाशिकरोड पोलीस ठाणे करीत आहे. या शोकांतिका नाशिककरांमध्ये अत्यंत वेदनादायक प्रतिक्रिया उमटवत आहे.

मुंबई हादरली! १० वर्षीय चिमुकलीवर नराधमांचे अमानुष अत्याचार

मुंबईत १० वर्षांच्या चिमुकलीवर अमानवीय अत्याचार करण्यात आले असून, तिच्या प्रायव्हेट पार्टमध्ये चक्क स्क्रू ड्रायव्हर घालून तिचा व्हिडिओ बनवल्याचा धक्कादायक प्रकार उघडकीस आला आहे. या घटनेने संपूर्ण मुंबई हादरली असून, बालकांच्या सुरक्षेचा प्रश्न पुन्हा ऐरणीवर आला आहे.

मिळालेल्या माहितीनुसार, या प्रकरणी पोलिसांनी २४ वर्षीय तरुण आणि त्याच्या २१ वर्षीय प्रेयसीला अटक केली आहे. पीडित चिमुकलीची आई केटरिंग कंपनीत काम करते आणि हे दोन्ही आरोपी तिच्या हाताखाली वेटर म्हणून काम करत होते. पीडित मुलगी आणि तिच्या आईसोबत ते एका चाळीत राहत होते. १५ मे ते १४ जून या कालावधीत, जेव्हा चिमुकलीची आई कामावर गेली होती, त्यावेळी या नराधमांनी अनेकदा तिच्यावर लैंगिक अत्याचार केले.

आरोपी तरुणाने चिमुकलीच्या प्रायव्हेट पार्टमध्ये स्क्रू ड्रायव्हर घालून तिला असह्य वेदना दिल्या. इतकेच नव्हे, तर त्याची प्रेयसी या अमानुष अत्याचाराचा व्हिडिओ बनवत होती. आरोपींनी चिमुकलीला मारहाणही केली आणि जर तिने आईला याबद्दल सांगितले, तर व्हिडिओ व्हायरल करण्याची धमकी दिली होती. या प्रकाराने चिमुकली प्रचंड घाबरली होती.

गुरुवारी, १९ जून रोजी अखेर त्या चिमुकलीने धीर करून आपल्या आईला घडलेला प्रकार सांगितला. मुलीची आपबीती ऐकून आईच्या पायाखालची जमीनच सरकली. तिने तात्काळ मेघवाडी पोलिस ठाण्यात धाव घेऊन तक्रार दाखल केली. मेघवाडी पोलिस ठाण्याचे वरिष्ठ निरीक्षक संभाजी जाधव यांनी सांगितले की, "आम्ही दोन्ही आरोपींना तात्काळ अटक केली आहे.

(राहा अपडेट, राहा जगाच्या पुढे. सातत्याने अपडेट होणाऱ्या आमच्या फेसबुक आणि एक्स (ट्विटर) पेजला सबक्राईब करुन ताज्या घडामोडी जाणून घ्या.)

आमच्या एशियानेट न्यूज मराठीच्या फेसबुक पेजला सबस्क्राईब करा. त्यासाठी येथे क्लिक करा.

आमच्या एशियानेट न्यूज मराठीच्या एक्स (ट्विटर) पेजला सबस्क्राईब करा. त्यासाठी येथे क्लिक करा.