Jaipur Tractor Attack: पैशांच्या वादातून अंगावर घातला ट्रॅक्टर, थरारक व्हिडिओ
सार
जयपूरच्या पिंगून गावात पैशांच्या वादातून एका तरुणाने दुसऱ्याच्या अंगावर ट्रॅक्टर घालण्याचा प्रयत्न केला. पेट्रोल पंपावरील या थरारक घटनेचा सीसीटीव्ही व्हिडिओ समोर आला आहे. सुदैवाने यात दुचाकीस्वार बचावला असून, पोलिसांनी आरोपी ट्रॅक्टर चालकाला ताब्यात घेतलं आहे.
राजस्थानच्या जयपूरमध्ये पैशांच्या वादातून एका ट्रॅक्टर चालकाने दुचाकीस्वाराला चिरडण्याचा प्रयत्न केला. ही धक्कादायक घटना पेट्रोल पंपावरील सीसीटीव्ही कॅमेऱ्यात कैद झाली आहे. ईटीव्ही भारतने दिलेल्या वृत्तानुसार, २० सप्टेंबरला संध्याकाळी ४.३५ च्या सुमारास नरेना पोलीस ठाण्याच्या हद्दीतील पिंगून गावात हा प्रकार घडला. सुरेश गुर्जर असं या दुचाकीस्वाराचं नाव असून, त्याने दिलेल्या तक्रारीवरून पोलिसांनी गुन्हा दाखल केला आहे. तर, शैतान गुर्जर या आरोपी ट्रॅक्टर चालकाला पोलिसांनी चौकशीसाठी ताब्यात घेतलं आहे.
A man was allegedly attacked with a tractor at a petrol pump in Pingun village under the Narena police station limits in Jaipur Rural on September 20 evening. The incident, reportedly linked to a financial dispute, was captured on CCTV cameras at the petrol pump.
The victim has… pic.twitter.com/aqgwfYNMBU— Hate Detector 🔍 (@HateDetectors) September 22, 2026
सीसीटीव्हीत कैद झाला थरार
सीसीटीव्ही फुटेजमध्ये सुरेश त्याच्या दुचाकीवरून पेट्रोल पंपावर आल्याचं दिसतं. गाडीवरून खाली उतरून तो बाजूला उभा राहतो आणि पंपावरचा कर्मचारी गाडीत पेट्रोल भरू लागतो.
पोलिसांच्या माहितीनुसार, शैतान आधीपासूनच त्याचा ट्रॅक्टर घेऊन तिथे उभा होता. सुरेशला पाहताच त्याने आपला ट्रॅक्टर त्याच्या दिशेने वळवला आणि त्याला थेट उडवण्याचा प्रयत्न केला.
🚨 TRACTOR DRIVER CHASES MAN AND CRUSHES HIS BIKE IN RAJASTHAN
CCTV footage from a petrol pump in Narena, Jaipur Rural shows a man refuelling his motorcycle when a tractor suddenly turns towards him and rams the bike.
The man jumps aside and escapes after which the tractor… pic.twitter.com/vAjxTJQqe9— contentkikamii (@contentkikamii) September 22, 2026
जीव वाचवण्यासाठी सुरेश ट्रॅक्टरपासून दूर पळताना व्हिडिओत दिसतोय. पण आरोपीने त्याचा पाठलाग सोडला नाही. त्याने थेट दुचाकीवर ट्रॅक्टर घातला, ज्यामुळे गाडीचा पार चक्काचूर झाला.
त्यानंतर सुरेश पेट्रोल पंपाच्या ऑफिसकडे पळत सुटतो आणि ट्रॅक्टरही त्याच्या मागे जातो. शेवटी चालक ऑफिसजवळ थांबतो, थोडा वेळ वाट पाहतो आणि तिथून निघून जातो.
हे भगवान अब लोगों के अंदर मानवता बची ही नहीं आजकल हर किसी के सर पर गुस्सा सवार है।
एक छोटी सी कहा सुनी पर युवक को इतना गुस्सा आया कि उसने अपने ट्रैक्टर को बाइक सवार चालक को कुचलने की कोशिश की
इस घटना की पूरी विडियो CCTV में कैद हो
गई अब आप लोग बताओ ये कहा का न्याय हैं pic.twitter.com/gP1LwGRpso— PIHU...❤️ (@Pihukh) September 22, 2026
सुदैवाने या जीवघेण्या हल्ल्यात सुरेश थोडक्यात बचावला.
पैशांच्या वादातून झाला हल्ला
नरेना पोलीस ठाण्याचे अधिकारी उमराव सिंग यांनी सांगितलं की, हे दोन्ही तरुण एकाच गावातले आहेत. त्यांच्यात गेल्या काही दिवसांपासून पैशांवरून वाद सुरू होता.
पोलिसांच्या प्राथमिक तपासात असं समोर आलंय की, पेट्रोल पंपावरच्या या घटनेच्या दोन-तीन दिवस आधीही सुरेश आणि शैतानमध्ये कडाक्याचं भांडण झालं होतं. त्यावेळी सुरेशने शैतानला मारहाण केली होती.
याच मारहाणीचा बदला घेण्यासाठी शैतान संधी शोधत होता. २० सप्टेंबरला जेव्हा त्याने सुरेशला पेट्रोल पंपावर पाहिलं, तेव्हा त्याने थेट ट्रॅक्टर अंगावर घालून त्याला संपवण्याचा प्रयत्न केला.
सुरेशच्या तक्रारीवरून पोलिसांनी शैतानवर गुन्हा दाखल केला आहे. सध्या तो पोलिसांच्या कोठडीत असून, या संपूर्ण प्रकरणाची कसून चौकशी सुरू आहे.
या हल्ल्यामागचं नेमकं कारण आणि घटनाक्रम समजून घेण्यासाठी पोलीस आता सीसीटीव्ही फुटेजचा बारकाईने तपास करत आहेत.