Crime News : दोन मुलांच्या बापासोबत प्रेमसंबंध... तरुणीने गमावला जीव; काय घडलं?

Crime News: केरळच्या कोझिकोड जिल्ह्यातील ताडमपट्टुतलम येथे एका विवाहित तरूणाने आपले लग्न आणि दोन मुले असल्याचे लपवून प्रेमसंबंध ठेवले. मात्र नंतर त्या तरुणीची ह*या करून तिच्या मृतदेहावर अत्याचार केल्याप्रकरणी आरोपीला अटक करण्यात आली आहे.

Crime News: कोझिकोड (केरळ)- प्रेम ही एक निस्सीम, व्यापक आणि भावनिक जवळीकता दाखवणारी भावना आहे, जी विश्वास, आदर, आपुलकी आणि परस्परांची काळजी यावर आधारलेली असते. हे फक्त आकर्षण नसून, समोरच्याच्या आनंदासाठी स्वतःहून प्रयत्न करणे आणि 'मी' पणा संपून 'आपण' होण्याची भावना आहे. या नात्यात सुरक्षितता, समजून घेणे आणि त्याग यांचा समावेश असतो. मात्र याच भावनेला काळीमा फासणाऱ्या घटना आजूबाजूला घडताना सातत्याने बघायला मिळत आहेत.

केरळच्या कोझिकोड जिल्ह्यातील ताडमपट्टुतलम परिसरात एक मन हेलावून टाकणारी घटना समोर आली आहे. वैशागन नावाच्या 36 वर्षीय व्यक्तीला पोलिसांनी अटक केली आहे. त्याने आपले लग्न झाल्याचे लपवून एका 26 वर्षीय तरुणीसोबत प्रेमसंबंध ठेवले आणि नंतर तिची ह*या केली.

पोलिसांनी दिलेल्या माहितीनुसार, वैशागन हा आधीच विवाहित असून त्याला दोन मुले आहेत. लातूर परिसरात लोखंडाचे वर्कशॉप चालवणाऱ्या वैशागनने त्याच भागातील तरुणीशी ओळख वाढवून तिच्याशी लग्न करण्याचे वचन दिले होते. त्याने आपले लग्न झाल्याची गोष्ट लपवून तिच्यासोबत संबंध ठेवले होते, अशी माहिती समोर आली आहे.

काही काळानंतर, वैशागन विवाहित असल्याची माहिती तरुणीला मिळाली, ज्यामुळे दोघांमध्ये जोरदार भांडण झाले. यानंतर त्याने तरुणीला ठार मारण्याचा कट रचला असल्याचे म्हटले जात आहे.

पोलिसांच्या तपासानुसार, दोन दिवसांपूर्वी वैशागनने तरुणीला आपल्या वर्कशॉपमध्ये बोलावले. तिथे त्याने आत्मह*या करण्याचे नाटक केले. जेव्हा तरुणी त्याला थांबवण्यासाठी पुढे आली, तेव्हा त्याने तिचा गळा दाबून खून केला. त्यानंतर, तिच्या मृत्यूची खात्री झाल्यावर त्याने मृतदेहावर अत्याचार केल्याचाही आरोप आहे. यानंतर, ही घटना आत्मह*या वाटावी यासाठी त्याने मृतदेहाला गळफास लावून लटकवला, असे पोलिसांनी सांगितले.

घटनेनंतर वैशागनने आपल्या पत्नीला फोन करून सांगितले की, वर्कशॉपमध्ये एका महिलेने गळफास लावून आत्मह*या केली आहे, ही माहिती पोलिसांना देण्यास सांगितले. पत्नीने दिलेल्या माहितीवरून पोलीस घटनास्थळी पोहोचले आणि मृतदेह ताब्यात घेऊन शवविच्छेदनासाठी पाठवला.

याप्रकरणी गुन्हा दाखल करून पोलिसांनी परिसरातील सीसीटीव्ही फुटेज तपासले असता, घटनेच्या दिवशी दोघांमध्ये भांडण झाल्याचे स्पष्ट झाले. संशयावरून वैशागनची चौकशी केली असता, त्याने आपला गुन्हा कबूल केला आहे, असे पोलिसांनी सांगितले.

पोलिसांनी आरोपीला अटक करून न्यायालयात हजर केले असता, त्याला न्यायालयीन कोठडी सुनावण्यात आली आहे. या प्रकरणाचा पुढील तपास सुरू आहे.