घरात कचराडबा कुठे ठेवावा? वाचा वास्तूशास्रात काय सांगितलेय

वास्तुशास्त्रामध्ये कचरापेटीसाठीही काही नियम सांगितले आहेत. घरात सकारात्मक ऊर्जा आणि संतुलन टिकवण्यासाठी कचरापेटीची योग्य दिशा आणि रंगाचे नियम पाळणं महत्त्वाचं आहे.

वास्तुशास्त्रानुसार, कचरापेटी नेहमी दक्षिण किंवा नैऋत्य दिशेला ठेवावी. जर हे शक्य नसेल, तर वायव्य (North-West) दिशेला ठेवणंही योग्य मानलं जातं.

वास्तुशास्त्रानुसार, कचरापेटी कधीही ईशान्य (North-East) दिशेला ठेवू नये. यामुळे घरात तणाव वाढू शकतो आणि कुटुंबातील सदस्यांच्या आरोग्यावरही वाईट परिणाम होऊ शकतो.

अनेक जण स्वयंपाकघरातच कचरापेटी ठेवतात, पण हे चुकीचं आहे. स्वयंपाकघर हे देवी अन्नपूर्णेचं स्थान मानलं जातं आणि तिथे कचरापेटी ठेवल्यास वास्तुदोष निर्माण होतो.

घराच्या मुख्य दरवाजाजवळ किंवा देवघराजवळही कचरापेटी कधीही ठेवू नये. असं केल्यास वास्तुदोष निर्माण होतो, ज्याचा परिणाम घरात राहणाऱ्या प्रत्येकावर होऊ शकतो.

घरात शक्यतो निळ्या, पिवळ्या किंवा इतर हलक्या रंगाची कचरापेटी वापरावी. काळ्या किंवा जांभळ्या रंगाची कचरापेटी वापरू नये. तसेच, कचरापेटीवर नेहमी झाकण ठेवावं.