नाचणी चपाती बनवण्याच्या टिप्स; बनवा परफेक्ट गोल आणि फुलणारी चपाती

रागी किंवा नाचणी पिठासाठी गरम पाणी वापरा. हे स्टार्च जिलेटिनाइज करते, ज्याने पीठ हाताळण्यास सोपे आणि लवचिक बनवते.

एका पॅनमध्ये १ कप पाणी उकळवा. उकळत्या पाण्यात नाचनी पीठ घाला आणि सतत ढवळत राहा जेणेकरून गुठळ्या होणार नाहीत. मिश्रण आचेवरून काढा, थोडे थंड होऊ द्या आणि मऊ पीठ मळून घ्या.

पीठ तयार केल्यानंतर त्याला 10-15 मिनिटे तसेच राहू द्या. त्यामुळे पीठ मऊ होऊन त्याची चपाती चांगली लाटता येते.

नाचनी चपाती लाटण्यासाठी दोन प्लास्टिक शीट घ्या. त्यात थोडं तेल लावून मधोमध पिठाचा गोळा ठेवल्यावर शीटने झाकून घ्या, मग बेलण्याने गोल फिरवा

नाचनी चपाती जास्त आचेवर भाजल्याने ती जळू शकते, तर मंद आचेवर भाजल्याने ती कोरडी होऊ शकते. ती नेहमी मध्यम आचेवर भाजावी.

नाचणी चपाती अर्धी भाजल्यावर चपातीला हलक्या हाताने दाबा, ज्यामुळे चपाती वर येण्यास मदत होते, नंतर ती दुसऱ्या बाजूने भाजा आणि गरम चपातीवर तूप लावा.

नाचनी चपाती बराच वेळ ठेवल्यावर कडक होऊ शकते, म्हणून तुमच्या आवडत्या भाजीसोबत गरमागरम नाचनी चपातीचा आनंद घ्या.