झुकलेल्या पापण्या दिसतील आकर्षक, ट्राय करा हे खास मेकअप लुक्स

हूडेड डोळ्यांवर आयशॅडो लावताना तो क्रीजमध्ये न लावता, थोडा वरच्या बाजूला लावा आणि नीट ब्लेंड करा. यामुळे डोळे मोठे आणि आकर्षक दिसतात. 

हूडेड डोळ्यांसाठी कट क्रीज स्टाइल सर्वात प्रभावी आहे. यासाठी क्रीज लाइन थोडी डार्क करा आणि पापणीच्या मध्यभागी लाईट शेड लावा. या टेक्निकमुळे डोळे अधिक डीप आणि उचललेले दिसतात.

जाड आयलायनर लावल्यामुळे हूडेड डोळे आणखी लहान दिसू लागतात. त्यामुळे, नेहमी बारीक लायनर लावा. लायनर लावताना विंग थोडा वरच्या दिशेने काढा. यामुळे डोळ्यांना उचललेला आकार मिळतो.

डोळ्यांच्या आतल्या कोपऱ्यांमध्ये शिमर किंवा लाईट रंगाचा हायलायटर लावा. यामुळे डोळे लगेचच तेजस्वी आणि मोठे दिसतात. विशेषतः लहान डोळ्यांसाठी ही ट्रिक खूप प्रभावी ठरते.

लॅश कर्लरने पापण्यांना वरच्या बाजूला वळवा आणि मग व्हॉल्यूम देणारा मस्कारा लावा. यामुळे पापण्या मोकळ्या दिसतात आणि डोळ्यांचा आकार अधिक आकर्षक आणि डिफाइन्ड दिसतो.