धावण्यामुळं मानसिक तणाव कमी होतो, फायदे जाणून घ्या

धावणं हा एक उत्कृष्ट कार्डिओ व्यायाम आहे. नियमित धावण्यामुळे हृदय मजबूत होतं, रक्ताभिसरण सुधारतं आणि कोलेस्टेरॉल कमी होतो. त्यामुळे हृदयविकाराचा धोका कमी होतो.

धावणं हे कॅलोरीज जाळण्यासाठी सर्वात प्रभावी व्यायाम आहे. दररोज ३०-४५ मिनिटं धावल्याने शरीरातील अतिरिक्त चरबी कमी होते आणि वजन आटोक्यात राहतं.

धावताना शरीरात एंडॉर्फिन नावाचे हार्मोन्स निर्माण होतात, जे नैसर्गिकरित्या तणाव आणि नैराश्य कमी करतात. त्यामुळे धावणं केवळ शरीरासाठी नाही तर मनासाठीही आरोग्यदायी आहे.

धावल्यामुळे हाडांची घनता वाढते आणि सांधेदुखीपासून बचाव होतो. योग्य पद्धतीने धावल्यास हाडं मजबूत होतात आणि शरीराला ताकद मिळते.

 नियमित धावणाऱ्यांना गाढ आणि शांत झोप मिळते. दिवसभरात निर्माण झालेला थकवा धावण्यामुळे कमी होतो आणि रात्री शरीराला विश्रांती मिळते.

धावणं केवळ एक व्यायाम नव्हे, तर एक जीवनशैली आहे. दररोज ठराविक वेळेस धावणं केल्यास व्यक्तिमत्त्वात शिस्त, संयम आणि आत्मविश्वास निर्माण होतो.