भोपळ्याच्या बियांमध्ये मॅग्नेशिअम, अँटी-ऑक्सिडेंट्स, जस्त असे गुणधर्म असतात. यामुळे हृदयाचे आरोग्य राखले जाते. याशिवाय गुडघे दुखीचा त्रास असल्यासही भोपळ्याच्या बियांचे सेवन करावे.
सर्वप्रथम भोपळ्याच्या बिया स्वच्छ धुवून घ्या आणि नंतर भाजा. असे केल्यानंतरच तुम्ही भोपळ्याच्या बियांचे सेवन करू शकता.
दररोज सकाळी उपाशी पोटी भोपळ्याच्या बियांचे सेवन केल्यास शरिराला पोषण तत्त्वे भरपूर प्रमाणात मिळतात. भोपळ्याच्या बिया प्रोटीनचा उत्तम स्रोतही मानल्या जातात.
भोपळ्याच्या बियांचे सेवन केल्याने शरिरातील रोगप्रतिकारक शक्ती वाढली जाते. यामुळे संसर्गजन्य आजार होण्याची शक्यता कमी होते.
मधुमेहाच्या रुग्णांनी भोपळ्याच्या बियांचे सेवन करणे फायदेशीर मानले जाते. यामुळे ब्लड शुगरचा स्तर कमी राहतो.
भोपळ्याच्या बियांमध्ये कॅल्शिअम गुणधर्म असल्याने हाडांना बळकटी मिळते. याशिवाय हाडांसंबंधित समस्याही दूर राहतात.
भोपळ्याच्या बियांचे सेवन केल्याने केसगळतीच्या समस्येपासून दूर राहू शकता. यामध्ये असलेले व्हिटॅमिन्स आणि खनिजे केसांच्या वाढीसाठी फायदेशीर असतात.
सदर लेख केवळ सामान्य माहिती देण्याकरिता आहे. Asianet News या माहितीची जबाबदारी घेत नाही. अधिक माहितीसाठी आपण तज्ज्ञ किंवा आपल्या ओळखीच्या डॉक्टरांचा सल्ला घ्यावा.