बटाट्याची साल फेकून देताय? असा करा पुन्हा वापर

बटाट्याची साल बहुतांशजण फेकून देतात. पण बटाट्याच्या सालीचा पुन्हा वापर वेगवेगळ्या वस्तूंसाठी करू शकता. याबद्दल पुढे जाणून घेऊया.

बटाट्याच्या सालीचा वापर ब्रेड क्रंब्सच्या रुपात करू शकता. यासाठी बटाट्याची साल डीप फ्राय करा. यामध्ये मीठही घाला.

बटाट्याच्या सालीचा वापर भांड्यांवरील डाग स्वच्छ करण्यासाठी देखील केला जातो. यासाठी बटाट्याची साल पाण्यात भिजवून ठेवून त्याने भांडी स्वच्छ करा.

बटाट्याच्या सालीपासून टेस्टी स्नॅक्स तयार करू शकता. यासाठी दोन वाटी बटाट्याची साल आणि एक चमचा तेलाची गरज भासेल. बटाट्याची साल बेक करुन त्यामध्ये मसाले मिक्स करुन खाऊ शकता.

घरातील काचेच्या भांड्यांवरील डाग दूर करण्यासाठी बटाट्याच्या सालीचा वापर करू शकता. यासाठी बटाट्याची साल पाण्यात भिजवून काचेवर डाग लागलेल्या ठिकाणी घासा. यामुळे डाग दूर होतील.

शूजला दुर्गंधी येत असल्यास त्यामध्ये रात्रभर बटाट्याची साल ठेवून द्या. यामुळे शूजमधील दुर्गंधी दूर होईल.