Lifestyle
जेवणामध्ये नॉन-व्हेजच्या दिवशी आमसुलाचे सार करू शकता. यासाठी आमसुल, सुक खोबरे, धणे-जिरे पावडर वापरुन आमसुलाचे सार करता येते.
कटाची आमटी महाराष्ट्रीय लोकांना पुरणपोळीसोबत खाणे फार आवडते. पण भातासोबतही कटाची आमटी छान लागते. या रेसिपीसाठी हरभाराची डाळ, लवंग, लाल तिखट मसाला वापरला जातो.
टोमॅटोचे सार माशांचा बेत असतो तेव्हा करू शकता. यासाठी टोमॅटो, कढीपत्ता, सुकं खोबऱ्याचा वापर केला जातो. भातासोबत टोमॅटोचे सार फार सुंदर लागते.
अख्ख्या मसूराची आमटी देखील भातासोबत छान लागते. झटपट होणाऱ्या मसूराच्या आमटीसाठी मसूर, कढीपत्ता, लाल तिखट, कोथिंबरचा वापर केला जातो.
पातळ रस्सा भाजी अथवा भातावर सार म्हणून मटकीचे सार ट्राय करु शकता. यासाठी वाफवलेली मटकी, लाल तिखट, कढीपत्ता, खोबऱ्याचा वापर केला जातो.
कोकणातील आणि नॉन-व्हेजच्या जेवणासोबत आवडीने खाल्ला जाणारा पदार्थ म्हणजे सोलकढी. बहुतांशजण सोलकढी भातासोबत खातात. यासाठी नारळाचे दूध, कोकम आगळ, कोथिंबरीचा वापर केला जातो.
आंबट ताकापासून वेगवेगळ्या प्रकारची कढी तयार करता येते. बहुतांशजणांना कढी-पकोडो, तडका कढी असे प्रकार आवडतात.