काळ्या कपड्यावरील पांढरे धागे कसे काढावे? मशीनमध्ये धुताना करा हे उपाय

वॉशिंग मशिनमध्ये रंगीत कपड्यांसह काळे कपडे धुतले जातात तेव्हा त्यांचे तंतू काळ्या कपड्यांवर चिकटतात आणि धुतल्यानंतरही सहजासहजी निघत नाहीत.

जर तुम्ही वॉशिंग मशिनमध्ये काळे कपडे धुणार असाल तर २-३ ॲल्युमिनियम फॉइलचे गोळे बनवून वॉशिंग मशिनमध्ये ठेवा व ते नेहमीप्रमाणे धुवा. यामुळे पांढरे धागे काळ्या कपड्याला चिकटणार नाहीत.

काळे कपडे नेहमी वेगळे धुवावेत. पांढऱ्या आणि हलक्या रंगाचे कपडे एकत्र धुतल्यावर धागे त्यावर चिकटू शकतात. काळे कपडे विशेषतः टॉवेल आणि स्वेटर सोबत कधीही धुवू नका.

काळे कपडे धुण्यासाठी नेहमी लिक्विड डिटर्जंट वापरा. काळे कपडे पावडर सर्फने धुतल्याने त्यावर पांढरे डाग पडतात.

काळ्या कपड्यांमध्ये पांढरे धागे असल्यास, पुढच्या वेळी धुताना बेकिंग सोडा, पाणी आणि व्हिनेगरमध्ये थोडा वेळ भिजवा. हे काळ्या कपड्यांवरील लिंट काढून टाकते.

काळ्या रंगाचे कपडे फार लवकर फिकट होतात आणि त्यावर पांढरे डाग दिसू लागतात. अशा परिस्थितीत काळे कपडे धुतल्यानंतर फॅब्रिक सॉफ्टवेअर किंवा फॅब्रिक कंडिशनर वापरा.

काळे कपडे जास्त वेळ ड्रायरमध्ये वाळवले तर हे कपडे पातळ होतात आणि त्यात पांढरे डागही दिसतात. त्यामुळे काळे कपडे जास्त वेळ स्पिन करू नका.

वॉशिंग मशीन नियमितपणे स्वच्छ करा, विशेषत: फिल्टर आणि ड्रम व्हिनेगर आणि सोडासह पूर्णपणे स्वच्छ करा.