घरच्या घरी पटकन पराठा कसा बनवावा, प्रोसेस जाणून घ्या

गव्हाचे पीठ – २ कप, पाणी – आवश्यकतेनुसार, मीठ – १/२ चमचा, तेल किंवा तूप – २ चमचे, लोणी / बटर (ऐच्छिक)

एका मोठ्या परातीत गव्हाचे पीठ, मीठ आणि १ चमचा तेल टाका. हळूहळू पाणी घालत मऊसर पीठ मळा. १५-२० मिनिटे झाकून ठेवा.

पीठाचे लहान लहान गोळे बनवा. पोळीप्रमाणे लाटून त्यावर थोडं तेल लावा व चौपट घडी करा. – पुन्हा हलकं लाटून गोलसर किंवा त्रिकोणी आकार द्या.

गरम तव्यावर लाटलेला पराठा टाका. एक बाजू हलकी ब्राऊन झाली की तेल किंवा तूप लावून पलटवा. – दोन्ही बाजूंनी कुरकुरीत सोनेरीसर झाल्यावर बाहेर काढा.

गरमागरम पराठा लोणी, दही, लोणचं किंवा चटणीसोबत सर्व्ह करा.

पराठा अधिक चविष्ट हवा असेल, तर त्यात बारीक चिरलेला कोथिंबीर, मेथी किंवा मसाले घालून मेथी/आलू पराठा तयार करू शकता. पराठा अधिक मऊ हवं असेल, तर पीठ मळताना थोडं दही घाला.