उन्हाळ्यात दूध फाटल्यावर झटपट पनीर कसे बनवावे?

फाटलेले दूध – १ लिटर, २ चमचे लिंबाचा रस / १ चमचा व्हिनेगर / १/२ कप दही, १ वाटी थंड पाणी (फाटलेले दूध धुण्यासाठी), साफ मलमल / सूती कापड

जर दूध आपोआप फाटले नसेल, तर एका पातेल्यात गरम करून त्यात लिंबाचा रस / व्हिनेगर / दही घाला. दूध हलक्या आचेवर ढवळा. 

२-३ मिनिटांत दूध फाटून पाणी वेगळं आणि पनीरचे कण वेगळे होतील. जर दूध व्यवस्थित न फाटले, तर अजून १ चमचा लिंबाचा रस घालून मंद आचेवर ढवळा. 

फाटलेले दूध गाळण्यासाठी मलमलचे कापड किंवा सूती कपड्यात ओतून घ्या. थंड पाण्याने व्यवस्थित धुवा – यामुळे लिंबाचा आंबटपणा निघून जाईल. पनीरचा पाणी निचरल्यावर कापड घट्ट पिळून घ्या.

कापडात बांधलेले पनीर एका ताटावर ठेवून वर जड भांडे ठेवा. साधारण ३०-४० मिनिटांनी मऊ, गिचमिड आणि छान आकार आलेले पनीर तयार होईल!