पापुदऱ्यासारखा डोसा घरच्या घरी कसा बनवावा, प्रोसेस जाणून घ्या

२ कप तांदूळ १/२ कप उडीद डाळ १/४ कप पोहे १ टिस्पून मेथीदाणे चवीनुसार मीठ पाणी, तूप किंवा तेल तवा (नॉन-स्टिक किंवा लोखंडी)

तांदूळ, उडीद डाळ, मेथीदाणे आणि पोहे वेगवेगळे धुऊन ६-८ तास भिजत ठेवा. नंतर हे सर्व साहित्य बारीक वाटून घ्या आणि मऊसर मिश्रण तयार करा.

त्यात चवीनुसार मीठ टाका आणि हे पीठ रातभर आंबायला ठेवा. दुसऱ्या दिवशी पीठ चांगले फुगले असेल तर ते थोडे पातळसर करून घ्या.

तवा गरम करून घ्या आणि त्यावर हलकासा तेलाचा थर लावा. एका मोठ्या पळीने पीठ घेऊन तव्यावर घाला आणि गोलसर, पातळसर डोसा पसरवा.

डोसावर थोडे तूप किंवा तेल शिंपडा आणि मंद आचेवर कुरकुरीत होईपर्यंत भाजा. डोसा सोनेरीसर झाला की तो हलक्या हाताने तव्यावरून काढा आणि प्लेटमध्ये ठेवा.