दही लवकर आंबट होतेय का?

उन्हाळ्याच्या दिवसांत कडक उकाड्यामुळे दही विरजल्यानंतर काही तासांतच आंबट होते. अशा वेळी फ्रिज नसेल, तर दही ताजे ठेवणे हे एक मोठे आव्हान असते.

दही २-३ दिवस ताजे राहावे आणि आंबट होऊ नये यासाठी तुम्हाला काहीही वेगळे करण्याची गरज नाही. तुमच्या स्वयंपाकघरातील ओल्या नारळाचा एक छोटा तुकडा यासाठी पुरेसा आहे.

दही व्यवस्थित विरजल्यानंतर ओल्या नारळाचा एक छोटा तुकडा स्वच्छ धुवून घ्या. हा तुकडा दह्याच्या भांड्यात टाका आणि त्यावर झाकण घट्ट लावून ठेवा.

ओल्या नारळामध्ये नैसर्गिक थंडावा आणि अँटी-ऑक्सिडंट गुणधर्म असतात. हे घटक दह्यामध्ये बॅक्टेरियाची वाढ रोखतात. यामुळे दही लवकर आंबट होत नाही.

दह्यात ओल्या नारळाचा तुकडा टाकल्यानंतर ते भांडे थेट सूर्यप्रकाश पडणार नाही अशा थंड आणि सावलीच्या ठिकाणी ठेवा. यासाठी सुक्या खोबऱ्याचा वापर करू नका, फक्त ओला नारळच वापरा.

तुम्ही दही फ्रिजमध्ये ठेवले नाही तरीही ते २ ते ३ दिवस अजिबात आंबट होणार नाही. तसेच, दह्याची नैसर्गिक गोड चवही तशीच टिकून राहील!