पायांच्या भेगा घालवण्याचे ६ सोपे घरगुती उपाय

रात्री झोपण्यापूर्वी पायांना थोडे खोबरेल तेल लावून मसाज करा. तुम्ही हा उपाय नियमित केल्यास पायांच्या भेगा लवकर कमी होतील.

एका चमचा व्हॅसलीनमध्ये एका लिंबाचा रस चांगला मिसळून घ्या. पाय स्वच्छ धुवा आणि भेगा पडलेल्या जागी हे मिश्रण लावा. १५ मिनिटांनंतर पाय धुवून टाका.

पायांच्या भेगांवर कोरफड जेल लावून हलक्या हाताने मसाज करा. जेल सुकल्यानंतर थंड पाण्याने पाय स्वच्छ धुवून घ्या.

ग्लिसरीन, गुलाबपाणी आणि थोडासा लिंबाचा रस एकत्र मिसळा. हे मिश्रण भेगा पडलेल्या जागी लावून मसाज करा. आठवड्यातून दोन ते तीन वेळा तुम्ही हा उपाय करू शकता.

पायांच्या भेगांवर तुम्ही थेट लिंबाचा रस लावून मसाज करू शकता. पायांची मृत आणि कोरडी त्वचा काढून टाकण्यासाठी लिंबाचा रस खूप फायदेशीर ठरतो.

एका पिकलेल्या केळ्याला कुस्करून त्याची पेस्ट तयार करा. ही पेस्ट पायांच्या भेगांवर लावा आणि २० मिनिटांनंतर धुवून टाका. रात्री झोपण्यापूर्वी हा उपाय केल्यास उत्तम परिणाम मिळतो.